Македонија
ДУИ бара реконструкција за посилна позиција во Владата
Позицијата на ДУИ во Владата треба да се зајакне, Охридскиот договор треба подобро да се имплементира, а ВМРО-ДПМНЕ треба да седне и на преговарачка маса со коалициониот партнер и за прашањето околу името доколку сака стабилност во власта
Ова се трите пораки кои ДУИ ги испраќа деновиве до најголемата владејачка партија, пред се’ почесто споменувата можна реконструкција во Владата по локалните и претседателските избори.Партијата на Али Ахмети на локалните избори ги изгуби Тетово, Гостивар и Арачиново, но тврди дека му помогнала на новоизбраниот претседател Ѓорге Иванов на претседателските избори во однос на постигнување на цензусот од 40 отсто во вториот изборен круг. Тоа и кај двете најголеми колициони партнери во власта ја отвори дебатат околу можна реконструкција во Владата. Според извори од ВМРО-ДПМНЕ не е исклучено таа да се случи веднаш по ребалансот на буџетот, бидејќи и самиот Ахмети сакал да направи прераспределба во министерствата кои ги има неговата партија.„Во партијата не се дебатира за прашањето за излегување од Влада. ДУИ влезе во владата со полн легитимитет на своите гласачи, но секако може да се има дебата околу владините политики“, најави денеска пратеничката и потпретседателка на ДУИ, Теута Арифи.
Според нејзе позицијата на ДУИ во Владата треба да се зајкане. Арифи не е задоволна од примената на Охридскиот рамковен договор. Забелешките на ДУИ се во тоа дека во практика не се спроведуваат законите за употреба на албанскиот јазик, правичната застапеност, употреба на националното знаме и за двојазичните патокази. Но, токму кадар на ДУИ го води владиниот сектор за имплементација на Рамковниот договор. Името на вицепремиерот Абдулаќим Адеми веќе се споменува како едно од можните за реконструкција. Можно е тој да премие во кабиентот на новиот претседател Иванов, а на негово место да дојде Муса Џафери, министер за локална самоуправа, кој во времето на владата СДСМ-ДУИ веќе го водеше овој сектор, а и важи за поблизок човек до Ахмети.Во однос на имплементацијата на Охридскиот рамковен договор, од ВМРО-ДПМНЕ пак, одговораатраат дека институциите треба да продолжат да работат на негово спроведување особено во делот на правилна застапеност на етничките заедници.
Третото барање на ДУИ е во однос на спорот што Макеоднија го има со Грција за името. ДУИ бара брзо решавање на спорот за што побрза интеграција на државата во ЕУ и во НАТО.„ДУИ нема уште долго да стои со скрстени раце за евроатлантските процеси на земјава и смета оти не може бесконечно да траат преговорите за името. Имаме притисок од гласачите, а, од друга страна, за Албанците е многу битно Македонија што поскоро да стане дел од НАТО. Поради државниот интерес, сме подготвени да изгубиме политички поени, да жртвуваме дел од Охридскиот договор и да не притискаме на целосно спроведување на законите кои од него произлегоа. Нема да чекаме бесконечно и нема да прифатиме Албанците да бидат рамноправни во ЕУ, а дискриминирани дома“, изјави вчера Рафиз Алити, потпретседател на ДУИ и потпретседател на Собранието.Од ДУИ бараат владините коалициони партнери да седнат на преговарачка маса за името.„Не можам да кажам дека имаме срочен предлог, но наш голем интерес како политичка партија и како претставници на Албанците е брза интеграција“, изјави денеска Арифи.ВМРО-ДПМНЕ, пак позитивно ја оценува позицијата на ДУИ дека е подготвена да даде дополнителни предлози и идеи за побрзо решавање на проблемот со името. Од таму, посочуваат дека се отворени за сугестии и предлози од сите граѓани, институции и политички партии кои сметаат дека на некој начин можат да дадат предлог во насока на решавање на овој проблем, но и на сите други проблеми.„Интеграцијата на Македонија во НАТО и забрзувањето на процесите за ЕУ се врвен приоритет. Ние како партија апсолутно стоиме на тоа, поради тоа што како политика и како став го имаме долги години и поради тоа што над 90 проценти од граѓаните го поддржуваат евроатланскиот пат на Македонија. Ќе се обидеме да ги решаваме проблемите, не бегаме од нив и свесни сме за нивната тежина“, велат во владејачката партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
За Бојмацалиев, полицијата е модерна и европска, Тошковски, пак, шокиран од недостоинствените услови во кои работат
Со свеченост во паркот кај авионот во скопско Ново Лисиче денес беше одбележан Денот на полицијата, 7 Мај. Техничкиот министер за внатрешни работи, Панче Тошковски, и дополнителниот заменик-министер, Митко Бојмацалиев, во говорите уште еднаш покажаа дека поинаку гледаат на состојбите во македонската полиција. Бојмацалиев, кој говореше прв, а го слушаа само првите неколку редови гости и полицајци оти голем дел од столчињата беа празни, смета дека полицијата е модерна и европска. За разлика од него, техничкиот министер Тошковски го шокирале условите во кои работат полицајците.
„Овој празничен момент не е време да држиме долги политички говори, туку да се осврнеме на клучното во полициската професија, а тоа се нашите колеги, полициските службеници, кои секојдневно посветено и неуморно ги извршуваат своите службени задачи. Им оддавам признание на колегите што не се со нас, вечна им слава. Северна Македонија е прогласена за најбезбедна земја на Западен Балкан од страна на глобалниот индекс за мир бидејќи вложувавме во развојот на модерна и европска полиција. Вложивме 17 милиони евра во подобри услови и изградба на полициски објекти, 14 милиони евра за нови униформи и опрема, ја покачивме платата 35 отсто и ги исплативме сите бонус плати. Единствено, жалам што немавме кога да издадеме уште една монографија за периодот 2022 – 2024 година бидејќи во тој период се реализираа многубројни достигнувања за државата и полицијата. Благодарам од срце за сите убави моменти од 2017 до денеска. Со гордост можам да кажам дека успеавме МВР да го направиме МВР за граѓаните. Уверен сум дека создадовме одлични услови за полицијата да остане непоколеблив бедем за заштита“, рече Бојмацалиев.
Веднаш по него, техничкиот министер Тошковски, заблагодарувајќи им на полицајците, кажа дека работат во недостоинстевни услови.
„Утре навршуваат 100 дена од моето раководење со оваа значајна институција, 100 дена макотрпна работа, во кои го дадовме најдоброто од себе за да им служиме на граѓаните. Кога ја добив честа да бидам назначен на оваа позиција во рамките на техничката Влада, знаев дека ме очекува напорна задача и знаев дека сум исправен пред тежок и сериозен предизвик, но ни најмалку не очекував дека ќе се соочам со толку недостоинствени услови за работа на припадниците на полицијата, а истовремено и дека ќе сведочам на толку неизмерна желба меѓу нив за професионално и чесно да си ја вршат својата должност и да им помагаат на оние на кои тоа им е најпотребно. Краток период, би рекол, но сметам дека е и повеќе од доволен за да увидам одблиску дека во полициските редови сѐ уште има чесни луѓе, луѓе што си ја сакаат татковината и луѓе што работат за нејзино добро“, рече Тошковски.
Тој е задоволен што под негово водство полицијата успеала да обезбеди фер и демократски избори. Најави нова ера во Министерството, каде што унапредувањето ќе се врши исклучиво врз основа на мерит-систем, а платите ќе го одразуваат непроценливиот придонес што го даваат полицајците за општеството.
„На истекот на овие 100 дена научив една многу важна лекција, која се надевам дека ќе одекне меѓу сите вас што сте тука денес. Можеби хероите во филмовите носат наметки, но хероите од нашата реалност носат полициски униформи“, рече техничкиот министер за внатрешни работи, Тошковски.
Тој им врачи благодарници и плакети на најдобрите полицајци, а присутните проследија и прелет на три полициски хеликоптери.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.