Свет
Чешка не е против американски радар вперен кон Русија
![](https://makfax.com.mk/wp-content/uploads/2016/11/875df802-2c8f-431e-8a6b-c808b923d74c-1.jpeg)
Шефот на чешкатадипломатија Карел Шварценберг изјави дека не би му пречело доколку радар одамериканскиот антиракетен штит во Чешка биде вперен кон Русија.
Шефот на чешката дипломатија Карел Шварценберг изјави дека не би му пречело доколку радар од американскиот антиракетен штит во Чешка биде вперен кон Русија. „Мене тоа не би ми пречело, но на Русите би им пречело. Зошто мене да ми смета тоа? Теоретски знаеме дека руските радари ја покриваат нашата територија и ние поради тоа не се нервираме“, изјави Шварценберг во интервју за чешкиот весник „Хосподаршке новине“. „Зборувам за ставот на Русија тие да можат да не надгледуваат, а ним им пречи доколку некој радар од кај нас е упатен кон нив. Јас се прашувам зошто е тоа така“, изјави Шварценберг. Чешкото Министерство за надворешни работи категорично ги отфрли предупредувањата на руските генерали за тоа дека евентуалните лансирани ракети од Полска, насочени со помош на радарите од Чешка против иранските проектили, руската противракетна одбрана би можела погрешно да ги протолкува како напад врз Русија и по грешка да ги лансира своите ракети кон Чешка и Полска. „Јазикот на руските генерали е неприфатлив, а во демократскиот свет дури незамислив“, изјави портпаролот на чешкото Министерство за надворешни работи Зузана Оплеталова. „Кога ги слушнав зборовите на рускиот генерал за автоматска реакција, тоа во мене предизвика сеќавање на најлошите времиња“, изјави и полскиот премиер Доналд Туск. Тој нагласи дека ниту еден руски генерал нема да повлијае врз полско – американските преговори за поставувањето на американскиот антиракетен штит во Полска. Шефот на полската дипломатија Радослав Сикорски потврди дека Варшава внимателно ќе ги сослуша аргументите на Русија против европската база на американскиот антиракетен штит во Полска и Чешка, но оти конечната одлука Полска да ја донесе самостојно. Началникот на Генералштабот на руската армија, генерал Јуриј Балујевски во саботата на прес конференција изјави дека рускиот противракетен систем е толку автоматизиран, поради што стартот на ракетите од базата во Полска би можел да биде погрешно оценет како напад и да предизвика повратен напад од Русија./крај/бе/ам Copyright 2007 makfax. Сите права се задржани. Текстов не смее да се печати или емитува, во целина или во делови, без договор со makfax.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Шефот на агенцијата на ОН: Борбите во Газа и Рафа продолжуваат и покрај израелските најави
![](https://makfax.com.mk/wp-content/uploads/2024/04/izraelska-vojska.jpg)
Борбите во градот Рафа и во јужниот дел на Газа продолжуваат и покрај вчерашната најава на израелската армија за тактички паузи во операциите за да се дозволи влез на хуманитарна помош, изјави денеска во Осло шефот на Агенцијата на Обединетите нации за помош на Палестинците (УНРВА).
Израелскиот премиер Бенјамин Нетанјаху вчера ги критикуваше плановите на армијата да воведува дневни прекини на огнот долж еден од главните патишта до палестинската енклава.
Филипе Лазарини, шеф на УНРВА, сепак, рече дека немало пауза. „Имаше информации дека е донесена таква одлука, но политичкото ниво вели дека таква одлука не е донесена“, рече Лазарини на прес-конференцијата.
„Затоа, засега можам да ви кажам дека борбите во Рафа и на југот на Газа продолжуваат и дека оперативно ништо досега не е променето“, додаде тој.
Израелската војска во понеделникот објави дека нејзините сили ги продолжуваат операциите во областа Рафа, кои вклучуваат тесна борба со милитантите и заплена и уништување оружје.
За викендов, армијата најави дневни паузи од 7 до 18 часот во областа од преминот Керем Шалом на југот на Израел до патот Салах ал-Дин, а потоа и понатаму кон северот. Подоцна појасни дека нормалните операции ќе продолжат во Рафа, главниот фокус на неговите операции во јужниот дел на Газа.
Свет
(Видео) Авион на „Боинг“ почна да гори, му откажа моторот, мораше итно да слета
![](https://makfax.com.mk/wp-content/uploads/2024/06/Screenshot-2024-06-17-143908.jpg)
Патнички авион безбедно слета на аеродром во Нов Зеланд откако избувна пожар и откажа еден од моторите, соопшти националната противпожарна служба, пренесува Асошиејтед прес.
Боингот 737-800 на Virgin Australia летал за Мелбурн, Австралија, но на крајот слетал во новозеландскиот град Инверкаргил. Инцидентот можеби е резултат на „удар од птица“, изјави Стјуарт Агс, главен оперативен директор на авиокомпанијата.
Последиците од ударите на птиците варираат по сериозност во зависност од големината на птиците, реакцијата на пилотот и кој дел од авионот бил погоден. Пламенот во авионот бил забележан веднаш по полетувањето од аеродромот во Квинстаун.
A burning plane makes an emergency landing in New Zealand.
People in Queenstown saw flames sparking from the engine of a Boeing 737 as loud explosions were heard after a bird strike incident. pic.twitter.com/jZhpx7M7Kc
— Vexwift (@vexwift) June 17, 2024
Нема дополнителни информации за тоа што се случило во моментот на инцидентот, изјави Кетрин Нинд, портпаролка на аеродромот. Во инцидентот нема повредени. Во авионот имало 67 патници и шест членови на екипажот. Агс најави дека патниците ќе бидат сместени преку ноќ во Инверкаргил и дека ќе се договорат нови летови.
Ова е само последниот во серијата инциденти со авиони Боинг. Вчера се дозна за случајот на 11 април, кога Боинг 737 Макс 8 на Southwest Airlines почна забрзано да паѓа, запирајќи го падот на околу 120 метри над Тихиот Океан.
Свет
Путин оди во посета на Северна Кореја
![](https://makfax.com.mk/wp-content/uploads/2024/06/kim-putin.jpg)
Рускиот претседател Владимир Путин утре и задутре ќе ја посети Северна Кореја, објави Кремљ, а тоа е исклучително ретко патување кое го истакнува сè посилното партнерство на Москва со таа нуклеарна држава.
Во септември минатата година, севернокорејскиот лидер Ким Џонг Ун, за време на неговата посета на Далечниот исток на Русија, го покани рускиот претседател да ја посети неговата земја.
Путин не го посетил Пјонгјанг од јули 2000 година.
„На покана на претседавачот за државни работи на КНДР, Ким Џонг Ун, Владимир Путин ќе престојува во пријателска државна посета на Демократска Народна Република Кореја од 18 до 19 јуни“, се вели во соопштението на Кремљ, во кое се додава дека, по Северен Кореја, Путин на 19 и 20 јуни ќе го посети Виетнам.