Свет
Вацлав Хавел заврши со снимањето на неговиот прв филм
Поранешниот чешки претседател, Вацлав Хавел, заврши со снимањето на неговиот прв филм – соопшти денеска неговата претставничка за медиумите, Ивана Рајхлова.
Поранешниот чешки претседател, Вацлав Хавел, заврши со снимањето на неговиот прв филм – соопшти денеска неговата претставничка за медиумите, Ивана Рајхлова.
Како што пренесе Асошиејтед прес, славниот писател во саботата завршил со работата на првиот филм „Заминување“, во кој неговата сопруга Дагмар ја игра главната женска улога. Филмот е базиран на истоименото драмско дело на Хавел, кое зборува за прилагодувањето на политичарите на новиот живот откако ќе заминат од политиката.
Оваа драма на Хавел, прва по дваесетгодишна пауза, премиерно беше изведена во 2008 година во Прага и предизвика огромно внимание.
Хавел беше дисидентски драмски писател. Кога во 1989 година стана првиот посткомунистички претседател на тогашна Чехословачка, а по распадот на земјата, во 1993 година стана претседател на Чешка.
Неговиот последен мандат заврши пред седум години. Хавел по завршувањето на снимањето изјавил дека најверојатно ова ќе биде неговиот прв и последен филм.крај/пр/бч
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Нарачала фустани преку интернет, а во пакетот ѝ стигнала епрувета со крв
Ана Елиот од Тенеси неодамна нарачала фустани преку онлајн продавница, а кога пристигнал пакетот била преплашена.
Во кутијата, покрај облеката, пронашла епрувета со човечка крв и конзерва грав!
„Епруветата немаше име, име на лабораторија, ниту датум кога е земена крвта“, објаснува таа во видеото кое е прегледано повеќе од седум милиони пати.
Девојчето го контактирало Центарот за контрола и превенција на болести, кој го третира инцидентот како „биолошка опасност“, пренесува New York Post.
Ана ги предупреди клиентите на онлајн продавницата да бидат внимателни при отворањето на пакетите, а подоцна откри дека била во контакт со нивните претставници.
„Покренавме истрага и утврдивме дека пакетот поминал контрола на квалитетот и го оставил нашиот пакет без дополнителни артикли. Само со артикли кои се нарачани“, велат од компанијата.
Жителката на Тенеси објави серија видеа во кои ги информира своите следбеници за најновите случувања.
Претставник на транспортната компанија изјави:
„Искрено се извинуваме за ова искуство. Ние ги третираме пратките на нашите клиенти со најголема грижа и преземаме соодветни чекори за да го решиме овој проблем“.
Сè уште не се знае чија крв е во шишето, а конзервата со грав е уште поголема мистерија.
@anna_200.1 @SHEIN is denying that they have anything to do with it. And the @CDC.govOfficial ♬ Spooky, quiet, scary atmosphere piano songs – Skittlegirl Sound
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.