Надворешна политика
ЕК и ЕП: Договорот е важен чекор за надминување на моменталната криза
Еврокомесарот за соседска политика Јоханес Хан и тројцата европратеници Ричард Ховит, Иво Вајгл и Едуард Кукан во средата ги поздравија напорите и обврските кои преку договорот за разрешувањето на политичката криза ги преземаа четворицата лидери на најголемите политички партии во земјава, Никола Груевски, Зоран Заев, Али Ахмети и Мендух Тачи.
„Овој договор како основа го има договорот од 2-ри јуни и го вклучува враќањето на СДСМ во Парламентот, потоа организацијата на нова влада која ќе ги подготви изборите кои ќе се одржат на 24-ти април 2016 години и назначувањето на специјален обвинител кој ќе ги истражи околностите кои произлегоа од објавените аудио материјали. Но неколку месечен потпомогнат дијалог, ја поздравуваме силната посветеност на политичките лидери кон евроатланската интеграцијата и европската перспектива“, се вели во заедничката изјава на Хан, Ховит, Вајгл и Кукан, кои учествуваа во 12 часовните преговори меѓу политичките лидери во резиденцијата на евроамбасадорот Аиво Орав.
„Ова е важен чекор во надминувањето на моменталната криза и кон справувањето со клучните предизвици за земјата. Политичките лидери во земајта сега мора да го имплементираат договор со добра волја. Подготвени сме да работиме со сите партии за да обезбедиме имплементација на сите аспекти од овие обврски, како и итните препораки направени од страна на Комисијата во врска со системските проблеми во владеењето на правото“, порачуваат европските преставници.
Европската комисија и европратениците одблизу ќе ја следат имплементацијата на овој договор во следните неколку месеци, а напредокот ќе се дискутира на состаноците во рамките на Пристапниот дијалог на високо ниво, кои ќе се одржат во септември со присуство на сите партии потписници, како и на претставниците на граѓанското општество./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.