Европа
Флорен Хартман ја држат во изолација и засилен надзор, тврди одбраната
Поранешната портпаролка на Хашкиот трибунал, француската новинарка и писателка Флоренс Хартман, која беше уапсена во четвртокот во Хаг, во затворот е во изолација и под засилен надзор, изјави во саботата адвокатот Гуенел Метро.
Поранешната портпаролка на Хашкиот трибунал, француската новинарка и писателка Флоренс Хартман, која беше уапсена во четвртокот во Хаг, во затворот е во изолација и под засилен надзор, изјави во саботата адвокатот Гуенел Метро.
Хартман беше приведена во четвртокот кога стигна на Меѓународниот кривичен суд за воени злосторства во поранешна Југославија за да ја слушне пресудата за Радован Караџиќ. Претходно таа беше обвинета за непочитување на судот, бидејќи во својата книга „Мир и казна“ објави тајни податоци од процесот против поранешниот српски челник Слободан Милошевиќ.
Поранешната новинарка на парискиот весник Le Monde и портпаролка на некогашната хашка обвинителка Карла Дел Понте, во 2009 година беше осудена на првостепениот суд, а во 2011 година правосилно за непочитување на судот. Казната од 7.000 евра одби да ја плати, по што Хашкиот трибунал паричната казна ѝ ја замени со затворска во траење од седум дена, но француските власти не сакаа да му ја предадат на Трибуналот.
Метро предупредува дека Хартман ја држава „под засилен надзор и во услови поради кои постои опасност од суицид, што значи дека нејзината затворска ќелија е осветлена 24 часа, а секои 15 минути ја проверуваат затворските чувари.
„Изолирана е од другите затвореници, досега во посета ѝ беше само францускиот конзул“, вело Метро за AFP, додавајќи дека е побарано нејзино ослободување, а во меѓувреме ублажување на условите во кој ја држат и во коишто, како што вели, ги смета „целосно бескорисни, неправедни и несоодветни“.
Апсењето на Флоренс Хартман ја скандализираше јавноста. Влијателниот француски филозоф Бернар-Анри Леви го нарече „апсурдно, скандалозно и без сериозна правна основа, и истакна дека „во ист ден да се осудат злосторник и личност која на злосторникот предупредила, значи да се испревртат сите вредности и да се побркаат џелатите и оние кои против нив се бореле.
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.