Надворешна политика
Јолевски: Македонија е докажан партнер и сојузник на САД и НАТО алијансата
Во рамките на посетата на САД, во понеделникот, министерот за одбрана Зоран Јолевски оствари средба со сенаторот Кристофер Марфи на која посочи дека Македонија останува посветена на интеграцијата во евроатлантските структури.
„Глобалниот мир и безбедност, се цел и на Република Македонија, што е факт кој се гледа преку нашето учество во неодамна завршената мисија ИСАФ, како и придонесот во новата мисија во Авганистан, Одлучна поддршка. Сите досегашни ротации во мировните мисии во кои учествуваме имале поддршка од Собранието, но и што е уште поважно, од граѓаните на Република Македонија”, истакна министерот Јолевски.
Интензивно работиме, додаде министерот, на сите полиња, а особено на полето на образованието. “Во министерството за одбрана еден од приоритетите е и Воената академија која ги продуцира идните лидери во Армијата на Република Македонија”.
Сенаторот Марфи посочи дека Соединетите Држави имаат високо мислење за способностите на припадниците на Армијата на Република Македонија, имајќи го предвид сето она што тие го покажале и го покажуваат во рамките на меѓународните мировни мисии. Министерот Јолевси побара поддршка од сенаторот за интеграцијата на Република Македонија во НАТО, бидејќи тоа поволно ќе влијае врз стабилноста на целиот регион на Југоисточна Европа. Македонија заслужува да биде дел од НАТО алијансата, беше заклучено на состанокот.
Воедно, министерот Јолевски го запозна сенаторот Марфи со реформите на Владата во областа на економијата, образованието, здравството и борбата против корупцијата.
В Јолевски во Пентагон оствари средба и со Евелин Фаркаш, заменик помошник на секретарот за одбрана за Украина, Русија и Евроазија. “Реформските процеси во Армијата на Република Македонија, унапредувањето на стандардот на припадниците на АРМ преку проекти како АРМ – мој вистински дом, јакнењето на квалитетот на образованието на питомците, и натамошната обука на припадниците на АРМ се наши приоритети”, рече министерот Јолевски, на средбата.
Воедно, министерот Јолевски посочи дека учеството на Македонија во меѓународните мировни мисии продолжува и во иднина. Во моментов припадниците на Армијата се дел од мисијата Одлучна поддршка во Авганистан, во Алтеа во Босна и Херцеговина како и во УНИФИЛ – Либан. Заедничката обука на припадниците на единиците за специјални операции е високо на агендата за соработка на АРМ со воените сили на САД, истакна министерот Јолевски. Посветени сме на глобалниот мир и затоа ги разгледуваме можностите како да дадеме заеднички придонес со националната гарда на Вермонт во мировните операции предводени од Обединетите Нации, додаде министерот.
Заменик помошникот секретар за одбрана Фаркаш се заблагодари за учеството на Македонија во мисиите и посочи дека Соединетите Држави продолжуваат со поддршката за Република Македонија во напорите за достигнување на стратегиските цели – членство во НАТО и во Европската Унија.
Во вторник, во Њујорк, министерот Јолевски ќе оствари средби со помошникот на Генералниот секретар на Обединетите Нации за мировни операции, Харве Ладсу, како и со генералот Дејвид Петреус, поранешен Командант на мисијата ИСАФ во Авганистан./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба на претседателите на Собранијата на Македонија и Украина, Митрески и Стефанчук
Претседателот на Собранието на Република Северна Македонија, Јован Митрески, во рамките на посетата на Киев по повод втората годишнина од почетокот на руската воена агресија врз Украина, оствари средба со претседателот на Врховната рада на Украина, Руслан Стефанчук.
Претседателот Митрески изрази благодарност за поканата и нагласи дека посетата претставува потврда на цврстата и непоколеблива поддршка на Република Северна Македонија за Украина, на сите полиња. Тој нагласи дека уште од самиот почеток силно ја осудуваме руската агресија против Украина, континуирано ја потврдуваме нашата поддршка за украинскиот територијален интегритет, суверенитет и целовитост и изразуваме целосна поддршка на правото на самоодбрана на земјата.
Претседателот на Собранието истакна дека Северна Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Македонија
Средба Османи – Кулеба во ОН Њујорк: Европската Унија е наша заедничка иднина
Министерот за надворешни работи, Бујар Османи, на 23 февруари 2024 година, оствари средба со министерот за надворешни работи на Украина, Дмитро Кулеба, во седиштето на Обединетите нации во Њујорк, на маргините на 56. пленарен состанок на 78. седница на Генералното Собрание.
Средбата се одржа со цел да се даде поддршка на Украина на денот на одбележувањето на две-годишнината од почетокот на руската агресија во Украина, при што Османи потенцира дека е многу важно да продолжи поддршката на Украина, бидејќи ако Русија победи во Украина, тогаш ние сме следните.
Министерот Османи, на средбата, истакна дека денес Руската Федерација е најголемата закана за безбедноста на Европа, на Западен Балкан, но и на Република Северна Македонија.
“Важно е да имаме стратешка предвидливост во нашата држава, со цел конечно да кажеме “Не” за Русија и “Да” за интегративните европски процеси на Западниот Балкан и на Република Северна Македонија”, рече Османи.
Додека, Министерот Кулеба, истакнувајќи го фактот дека Северна Македонија цврсто застана зад Украина во текот на двете години агресија, упати благодарност до граѓаните на Северна Македонија, како и благодарност до Министерот Османи за неговото лидерство и поддршка.
“Нашата иднина е заедничка, таа иднина е Европската Унија, која воедно претставува и иднина за мир и просперитет, рече Кулеба.
Двајцата Министри имаа свои обраќња пред Генералното собрание на Обединетите нации, каде упатија јасни пораки против рускат агресија врз Украина.
Македонија
(Видео) Oсмани од ОН во Њујорк: Мораме да и кажеме не на Русија
Министерот за надворешни работи, Бујар Османи, денес се обрати од седиштето на Обединетите нации во Њујорк, на 56. пленарен состанок на 78-та седница на Генералното собрание, по повод две години од инвазијата на Русија врз Украина, кој се одржа на тема: Ситуацијата во привремено окупираните територии на Украина.
Османи, уште еднаш, ја повика Русија да ја прекине оваа бесмислена војна и да ги повлече своите трупи од суверената територија на Украина.
„Русија ги прекрши основните принципи на меѓународното право и започна целосна агресивна војна против Украина, земја членка на ОН’’, истакна Османи.
Воедно, министерот потенцираше дека Северна Македонија е исто така силно загрижена и ја осудува незаконската депортација на децата од Украина во Русија и Белорусија од страна на Руската федерација и ги повика да обезбедат нивно безбедно враќање дома.
„Мораме да и кажеме не на Русија! Правдата и одговорноста мора да надвладеат”, рече Османи, воедно додаде дека Северна Македонија им се придружи на другите 140 земји-членки за поддршка на суверенитетот и територијалниот интегритет на Украина во нејзините меѓународно признати граници од 1991 година.
Османи повика на обединетост во поддршката за Украина, не само за доброто на жртвите и нивните семејства, туку и како предуслови за избегнување на понатамошни агресии и неиспровоцирана употреба на сила во меѓународните односи.