Црна хроника
Обвинителство со жалба на Решението за условен отпуст на Вранишковски
Иако, според најавите, во понеделник, требаше да биде пуштен од затвор осудениот Јован Вранишковски, сепак, тоа не се случи, поради тоа што Основното јавно обвинителство за гонење на организиран криминал и корупција поднесе жалба против решението на судот, која ќе се цени во повисокиот суд.
Иако, според најавите, во понеделник, требаше да биде пуштен од затвор осудениот Јован Вранишковски, сепак, тоа не се случи, поради тоа што Основното јавно обвинителство за гонење на организиран криминал и корупција поднесе жалба против решението на судот, која ќе се цени во повисокиот суд.
Како што информираа од Обвинителството, на 12 јануари 2015 година Основното јавно обвинителство за гонење на организиран криминал и корупција го прими Решението на Основниот суд Скопје со кое судот одлучи да го уважи предлогот на Директорот на КПУ „Идризово“ за условен отпуст на осудениот Вранишковски.
„Таквото решение беше предмет на целосна анализа на околностите и оцена во надлежното обвинителство и при тоа се утврди дека истотото е законито. Со ваквата своја оцена ја запозна и македонската јавност, но истовремено не се откажа од правото на Жалба. Обвинителството смета дека треба да се преиспитаат околностите за условен отпуст на осуденото лице, како и дали ќе се постигнат целите на условниот отпуст. Истовремено обвинителството ги ценеше околностите кон овој кривично правен предмет и вообичаената досегашна пракса за должината на отпустот“, стои во соопштенмието од Обвинителство.
Од таму сметаат дека променети се околностите кои укажуваат дека осудениот може во иднина да врши кривични дела и со тоа нема да ја оправда довербата која му е дадена со условниот отпуст, па затоа во законскиот рок се поднесе жалба против решението на судот, а која жалба ќе се цени во повисокиот суд.
Ослободувањето на Вранишковски се случува во време кога сè позачестени се информациите за обновување на дијалогот меѓу Македонската православна црква-Охридска архиепископија(МПЦ-ОА) и Српската православна црква(СПЦ), околу статусот на МПЦ-ОА.
Неодамна во Македонија во посета беше и владиката на Руската православна црква Иларион, кој имаше средби со македонскиот политички, но и црковен врв, како и со Вранишковски. Подоцна МПЦ-ОА побара милост за Вранишковски, но неговото име не се најде на списокот на помилувани лица од страна на претседателот Ѓорге Иванов.
Вранишковски е осуден на три години затвор, а неговите приврзаници добија условни казни за перење пари преку здружението „Анастасија“.
Тој претходно е осуден за затајување на 250.000 евра од МПЦ, а актуелното обвинение го сомничи дека парите ги делел на свои приврзаници, кои ги донирале во здружението, а потоа купувале имоти./крај/со/бб
Извор: vraniskovski, crkva, mpc,
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Три лица повредени во сообраќајна несреќа на локалниот пат Куманово – с.Романовце
Вчера околу 15:30 часот во СВР Куманово било пријавено дека на локалниот пат Куманово – с.Романовце се случила сообраќајна несреќа помеѓу патничко возило „фиат“ со скопски регистарски ознаки, управувано од С.М.(25) од Скопје и патничко возило „опел“ со гостиварски регистарски ознаки, управувано од Г.Д. (29) од Скопје.
Во несреќата со тешки телесни повреди се здобил Г.Д., констатирани во Комплекс клиники „Мајка Тереза“ во Скопје, а со телесни повреди се здобиле С.М. и неговиот сопатник Ф.С., констатирани во Општата болница Куманово.
Увид на местото извршила увидна екипа од СВР Куманово.
Црна хроника
Скопјанец во дворот пронашол залутано зрно од огнено оружје
Вчера во 11.20 часот во СВР Скопје, Д.С.(73) од Скопје пријавил дека во дворот од семејната куќа на подрачјето на Драчево пронашол залутано зрно од огнено оружје.
Извршен бил увид од увидна екипа од СВР Скопје, а зрното било подигнато за понатамошна постапка.
Црна хроника
35-годишен кавадарчанец му се заканувал на градоначалникот на општината
Закани од 35 годишен кавадарчанец добил градоначалникот на Општина Кавадарци, Митко Јанчев.
Вчера во 23.35 часот во Кавадарци, полициски службеници од Полициската станица Кавадарци го лишиле од слобода П.Н.(35) од Кавадарци, затоа што агресивно се однесувал кон М.Ј.(43) од Кавадарци и му упатил закани.
Тој е задржан во полициска станица и по целосно документирање на случајот против него ќе биде поднесена соодветна пријава.