Повтореното судење на поранешниот командант на УЧК, Рамуш Харадинај обвинет за злосторства сторени над косовските Срби, Роми и албанци во околината на Дечани во 1998 година, започнува денеска пред Хашкиот трибунал со воведните зборови на обвинението и одбраната.

Повтореното судење на поранешниот командант на УЧК, Рамуш Харадинај обвинет за злосторства сторени над косовските Срби, Роми и албанци во околината на Дечани во 1998 година, започнува денеска пред Хашкиот трибунал со воведните зборови на обвинението и одбраната.Заедно со Рамуш Харадинај, обвинети се и неговите во тој период хиерархиски потчинети Идриз Баљај и Љах Браимај.По првото судење, Меѓународниот кривичен суд за воени злосторства сторени на територијата на поранешна Југославија, во април 2001 година, Трибуналот го ослободи од обвинението Харадинај и Баљај, додека третообвинетиот Браимај беше осуден на шест години затвор поради злосторства сторени врз притворените во логорот на УЧк во селото Јабланица кај Дечани. Усвојувајќи ја жалбата на првостепената пресуда, апелациониот совет на Трибуналот наложи на 21-ви јули минатата година судењето на Харадинај и сообвинетите да биде повторено по шест од 37 точки од првото обвинение кои се однесуваат на злосторствата врз притворениците во заробеничките логори на УЧКИ во селото Јабланица кај Дечани од март до септември 1998 година.Одлуката за повторувањето на судењето беше донесена затоа што во првата постапка не сведочеа клучните сведоци, поранешните припадници на УЧК во логорот Јабланица, Шефкет Кабаши и уште еден сведок чиј идентитет е заштитен. Повторувањето на судењето е наложено бидејќи клучните сведоци одбија да сведочат под изговор дека се „вознемирувани и заплашувани“ Пред започнувањето на новиот процес, одбраната на Харадинај тврди дека овие сведоци нема да сведочат ниту на повтореното судење. Со новите обвинение, Харадинај, Баљај и Браимај во шесте точки се обвинети за убиства, нехумани постапки и малтретирање, како и кршење на законите и обичаите на војувањетоХарадинај беше уапсен во Приштина на 20-ти јули минатата година и префрлен во притворот на Хашкиот трибунал каде се наоѓа и сега. Второбвинетиот Баљај во Шевенинген е префрлен од затворот во Косово каде отслужуваше казна на која е осуден пред локален суд. Според обвинението Харадинај од 1998 до 1999 година бил лидер на УЧК во околината на Дечани, Баљај командувал со специјалната единица „Црни орли“, а Браимај бил член на главниот штаб на УЧК и командант на притворот за заробениците од страна на Ослободителната војска на Косово (ОВК-УЧК).Првото судење на  Харадинај и другите обвинети почна на 5-ти март 2007 година, а првостепената пресуда беше изречена на 3-ти април  2008 година. Обвинителите пред судскиот совет во текот на процесот изведоа 81 сведок а двајца одбија да сведочат и покрај обврзувачкиот налог од Трибуналот.Харадинај доброволно се предаде на Трибуналот на 9-ти март 2005 година, веднаш откако претходно поднесе оставка на функцијата премиер на Косово. Истиот ден од Приштина во Хаг беа префрлени и Баљај и Браимај.Во првото појавување пред судот, сите тројца ги отфрлија обвиненијата изјавувајќи дена не се чувствуваат виновни. Трибуналот на привремена слобода до почетокот на судењето го ослободи рамуш Харадинај на 9-ти јуни 2005 година, а подоцна на барање на одбраната и покрај противењето на обвинителството, му дозволи во ограничена мера јавно да настапува на Косово како лидер на партијата Алијанса за иднината на Косово./крај/бета/мф/сн