Европа
Во падот на хеликоптерот во Норвешка најверојатно 13 мртви, причината непозната
Сите тринаесет лица, единаесет работници на нафтена платформа во Северното Море и двајца членови на екипажот, најверојатно загинаа во хеликоптерската несреќа во близина на западниот брег на Норвешка, објави во петокот вечерта полицијата, која истакнува дека падот бил „ненадеен и неочекуван“, а очевидци виделе како од леталото во воздухот отпаднала елисата.
Во петокот околу пладнето норвешките медиуми објавија дека на мал остров во близина на брегот недалеку од градот Берген се урнал хеликоптер во кој се наоѓале вкупно 13 лица. Очевидци изјавија дека виделе како некои од луѓето уште пред ударот на земја излетале од хеликоптерот. Според спасувачките служби, во овој моменти сите се сметаат за мртви. Компанијата „Statoil“ во меѓувреме потврди дека со хеликоптерот се превезувале нејзини вработени, кои во Берген летале од платформата „Gullfaks B.“.
Хеликоптерот се урнал на островот Туреја близу Берген. Дел од остатоците од леталото се пронајдени во морето, а некои спасувачките тимови ги пронашле на копното. Локаното население за новинарите раскажува дека слушнале чад и експлозија, а од местото каде што се урнал трупот на хеликоптерот се издигал столб од чад.
Според очевидци, пред падот хеликоптерот се „нишал“ во воздухот. „Излеговме од автомобилот, мојот сопруг почна да вреска и да трча кон нас: ‘Тргајте се, тргајте се’, викаше дека делови од пропелерот може да паднат врз нас. Потоа слушавме силна експлозија“, изјавила за норвешкиот дневен весник Verdens Gang, сведокот на несреќата Ребека Андерсен.
„Имаше еден чуден звук на роторот, кој потоа отпадна. По неколку секунди хеликоптерот почна да паѓа и се урна на еден рид, недалеку од мојата куќа“, изјавила за новинарите од весникот Aftenposten, Моника Еспелид, која го гледала падот од прозорецот во својот дом при што видела силна експлозија.
„По 20 до 30 секунди од падот видов дека во воздухот сé уште е пропелерот на хеликоптерот“, додава Еспелид. Слични изјави за норвешките медиуми даваат и други интервјуирани очевидци.
Дел од остатоците на хеликоптерот се под вода на длабочина од околу 20 метри. Спасувачите од Координативниот центар на Јужна Норвешка соопштија, дека елисата и трупот на хеликоптерот се пронајдени на растојание од 200 до 300 метри. Трупот е најден во водата на длабочина од шест-седум метри, а роторот на копното, пренесе телевизијата NKR.
„Немаме никакви претпоставки за тоа што се случило, но сфативме дека тоа што се одиграло било одненадеж и неочекувано“, изјави за новинарите портпаролот на полицијата на Западна Норвешка, Хетил Ојри.
„Премногу е рано да се зборува за наводни причини за несреќата“, рече за NRK Арне Роланд, извршен директор во компанијата „CHC Helikopterservice“, во чија сопственост бил урнатиот хеликоптер.
Списанието Dagblade пишува дека урнатиот хеликоптер бил од моделот „Eurocopter EC22 Super Puma“. Во извештајот се додава дека на местото на падот веќе била пронајдена „црната кутија“.
Според компанијата „Statoil“, со хеликоптерот се превезувале нафтени работници, од платформата во Северното Море во Берген. Телевизијата NRK објави дека станува збор за 11 Норвежани, еден Британец и еден Италијанец.
„Спасувачката операција формално заврши во 17 часот по локално време (исто и според македонско). Сите 13 лица кои се наоѓале во леталото се претпоставува дека се мртви. Единаесет лица се работници на нафтената платформа, а двајца се членови на екипажот“, објави Координативниот центар за спасување на Норвешка на Twitter.
Портпаролот на норвешките правосудни органи Муртен Кронен во разговорот со новинарите прецизирал дека сите тела биле најдени на копното, и покрај тоа што повеќе очевидци изјавија дека виделе како неколку луѓе паѓаат во морето.
Потпретседателот на норвешкиот оддел на „Statoil“, Арне Сигве Нјулан, на прес-конференцијата по падот на хеликоптерот изјави дека 11-та патници работеле биле вработени во разни компании, но оти сите тие биел ангажирани за „Statoil“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.
МВР: Во Чашка приведени две лица поради сомнеж за изборен поткуп – фатени се со пиштоли, списоци и пари
Денеска во 15.20 часот полициски службеници од Одделението за криминалистичка полиција при СВР Велес го приведоа И.И.(52) од село Мелница,...
Од полноќ почнува изборниот молк
На полноќ почнува изборниот молк пред парламентарните и вториот круг од претседателските избори, кои ќе се одржат в среда. Изборниот...
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит...
Избоден малолетник во Куманово, пренесен е болница
Малолетно момче било избодено синоќа во Куманово. Од МВР велат дека момчето се здобило со повреди и било пренесено во...
Италија: Лани лично го предупредивме Зеленски, контраофанзивата беше грешка
Италијанскиот министер за одбрана изјави денеска дека економските санкции наметнати на Русија не успеале и го повика Западот да направи...
Путин издаде наредба: Вооружените сили на Русија ќе вежбаат употреба на нуклеарно оружје
Владимир Путин му наредил на Генералштабот да се подготви за вежби за употреба на нестратешко нуклеарно оружје, соопшти Министерството...
Возач загина во сообраќајка на експресниот пат Штип-Кочани, повредени жена и две деца
Триесет и деветгодишен маж загина, а три други лица, од кои две малолетни, се повредени во сообраќајна несреќа што синоќа...
Битиќи на велигденски јајца кај Спасовски кој му посака здравје низ целата година
Вицепремиерот Фатмир Битиќи бил на гости дома кај екс министерот за внатрешни работи, Оливер Спасовски по повод празникот Велигден. „На...
Мојсоска: Усеини од ДУИ доби 500 000 евра од ДПМНЕ во Охрид
Охридската гимназија, цела година е со раскопан двор. Учениците се заложници на неспособната локална власт, предводена од ДПМНЕ. Парите на...
На полноќ настапува молк пред вториот круг од претседателските и парламентарните избори
На полноќ завршуваат кампањите за вториот круг од претседателските избори и за парламентарните. Кампањата за претседателските избори започна веднаш по...
Израел почна да ги евакуира палестинските цивили од Рафа
Израелските вооружени сили почнаа да ги евакуираат палестинските цивили од Рафа пред заканувачкиот напад врз тој град на југот на...
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано...
Во Мексико пронајдени телата на исчезнатите туристи, биле најдени на дното во бунар
Мексиканските власти потврдија дека двајца австралиски и еден американски турист, кои беа пријавени за исчезнати во северно Мексико, се мртви...
Белоруски министер за надворешни работи: Украина се обидува да пренесе оружје на територијата на Белорусија за напад
Министерот за надворешни работи на Белорусија Сергеј Алејник изјави дека Украина често провоцира обиди за транспорт на оружје и експлозиви...
Во регионот Суми, високонапонски објект на Укренерга оштетен во руски напад
Високонапонскиот објект на Националната енергетска компанија „Укренерго“ е оштетен во рускиот напад со беспилотни летала и ракети врз регионот Суми...
Хрватска е привлечна за балканските работници поради платата, станува збор за многу пари
„Сезоната за извоз на работна сила практично започна веќе во април, поточно за келнери, готвачи и други работници во угостителството...
Митрески: Заедно и сплотени да ги надминеме сите предизвици
Претседателот на Собранието на Република Северна Македонија, Јован Митрески, во име на пратениците и во лично име, упати честитка по...
Мицкоски: Поучени од христијанските начела, да си ја сакаме државата, ближниот и да направиме се утре да биде подобро од денес
Претседателот на ВМРО-ДПМНЕ Христијан Мицкоски од негово лично име и од име на партијата упати честитка до сите верници по...
Ковачевски за Велигден: Добрината и мудроста да бидат нашиот патоказ, храбрите одлуки секогаш носат успех
Претседателот на Социјалдемократскиот сојуз на Македонија, Димитар Ковачевски, по повод големиот христијански празник Воскресение Христово – Велигден, упати честитика до...
Изборот за песна на Евровизија започнува за два дена, Шведска го очекува во страв
Мониста и штрас или пропалестински демонстрации и пароли? Изборот за песна на Евровизија, кој започнува во вторник во шведскиот град...
