Свет
Обвинителите ќе ги бараат непријавените мртви
![](https://makfax.com.mk/wp-content/uploads/2016/11/84ecf311-70b5-4927-b9ad-012708efc02e-13121.jpeg)
Бидејќи нема законски механизми тоа да го стори, Министерството за правда ги задолжило обвинителите по службена должност да ја утврдат смртта на лицата над 80 години, кои починале, а не биле пријавени
МИНИСТЕРСТВОТО ЗА ПРАВДА ГО ТОКМИ ИЗБИРАЧКИОТ СПИСОК
Бидејќи нема законски механизми тоа да го стори, Министерството за правда ги задолжило обвинителите по службена должност да ја утврдат смртта на лицата над 80 години, кои починале, а не биле пријавени
Министерството за правда ги задолжило обвинителите по службена должност да ја утврдат смртта на лицата над 80 години, кои починале, а не биле пријавени. Ова министерство заедно со МВР го прочистува Избирачкиот список од лица кои се починати во изминатите 10 години, од двојно запишани граѓани, изготвува и список на лица кои се надвор од Македонија, за наши државјани кои починале во странство, за оние што имаат и оние што немаат постојано живеалиште во земјава. Списоците се чистат и од граѓани со исти матични броеви. Вообичаено се појавуваат околу 100 и 200 граѓани со двојни матични броеви пред секои избори, рече вчера Загорка Тноковска од Министерството за правда.
Тноковска рече дека податоците што ќе се добијат по овие проверки ќе бидат презентирани во текот на наредната недела пред работната група составена од претставници на Министерството и политичките партии, а ќе бидат доставени и до Комисијата за Избирачки список, по што случаите ќе се расчистуваат еден по еден.
Таа пресече дека дефинитивно, не може да се задоволи барањето на опозицијата да се споредуваат податоците од Избирачкиот список со оние од пописот, бидејќи тие две категории по дефиниција се различни. Избирачко тело се сите државјани на Македонија кои живеат во земјава или се на привремена работа или престој во странство со последно место на живеење во Македонија, со наполнети 18 години и се деловно способни. Со пописот, пак, се евидентираат лица со постојано место на живеење во Македонија или се надвор од неа најмногу до една година, рече Тноковска и дополни дека никако овие бројки не може да се поклопат.
Во врска со прочистувањето на списокот од починатите лица, Тноковска посочи дека Министерството за правда ги прави проверките во селата, а МВР во градовите со вадење податоци од книгата на умрените лица, по што ќе се види кој бил починат изминатите десет години, а се водел на Избирачкиот список. Овие податоци подоцна ќе се достават до надлежните органи да се утврди фактичката состојба поткрепена со документација.
Избирачките списоци се заклучуваат откако ќе биде објавен датумот на изборите. При последното ажурирање, а по објавениот датум на изборите, се запишуваат дополнително и граѓаните кои до денот на изборите ќе имаат наполнето 18 години.
(С.К.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Мицотакис: Грција се соочува со опасно лето поради пожари, суша и ветрови
![](https://makfax.com.mk/wp-content/uploads/2019/01/micotakis.jpg)
Грчкиот премиер Киријакос Мицотакис предупреди дека Грција ја чека опасно лето поради шумските пожари, продолжената суша и невообичаено силните ветрови кои придонесуваат за ширење на пожарот.
„Имавме исклучително тежок јуни во однос на временските услови, со силна суша и невообичаено силен ветер за овој период од годината. Сакам да им се заблагодарам на сите што направија одлична работа во последните неколку дена, но и да ни го свртам вниманието назад кон летото за кое се предвидува дека ќе биде особено опасно“, рече Микотакис, пренесува Катимерини.
Шумските пожари се вообичаени во Грција, а топлото, суво и ветровито време кое научниците го припишуваат на ефектите од климатските промени ја зголеми нивната фреквенција и интензитет.
Свет
Полска: Укината е поддршката за домаќинствата кои обезбедуваат помош за украинските бегалци
![](https://makfax.com.mk/wp-content/uploads/2024/07/jm.jpg)
Полските власти најавија дека од денеска ќе стапат на сила измените на законот за помош на граѓаните на Украина, а во рамките на новите регулативи полските домаќинства кои обезбедуваат засолниште за бегалците повеќе нема да добиваат финансиска поддршка од полската влада.
Досега Полјаците кои беа домаќини на Украинците добиваа по 40 злоти дневно за секој кој престојуваше во нивното сместување, пренесува Полското радио.
Заменик министерот за внатрешни работи и државна администрација Мачеј Душчик рече дека системот се укинува поради големите злоупотреби.
Свет
Невработеноста во Австрија во јуни падна на 6,2 отсто, што е најниско ниво во последните девет месеци
![](https://makfax.com.mk/wp-content/uploads/2024/07/bx.jpg)
Стапката на невработеност во Австрија падна во јуни од 6,4 отсто во мај на 6,2 отсто и сега е најниска во последните девет месеци, објави денеска австриската јавна служба за вработување (АМС).
Бројот на регистрирани невработени во Австрија се зголемил за 24.700 на годишно ниво, се наведува на веб-страницата на АМС.
Невработеноста во Австрија е во согласност со трендовите во еврозоната.