Началникот на полицијата во руската престолнина Владимир Колоколцев по судирите меѓу фудбалските навивачи и полицијата, наредил засилени патроли по улиците на Москва, пренесуваат руските медиуми

„Началникот на московската полиција им нареди на началниците на сите оддели да ги зајакнат мерките на безбедност во сите окрузи на Москва, и да ги следи сите движења на фудбалските навивачи, и да спроведат превентивни активности а во некои случаи на сериозни нарушувања да спроведат апсења“, изјавил за агенцијата РИА Новости, портпаролот на московската полиција Виктор Бирјуков. Тој додал дека полицијата ја следи ситуацијата на територијата на сите административни единици на московската област и доколку има некои индиции да се активира мобилната резерва, вклучувајќи ги и единиците од составот на ОМОН (специјалните единици на Внатрешните војски на Министерството за внатрешни работи на Руската Федерација).„Засега нема регистрирани никакви сериозни инциденти поврзани со навивачите“, додал Бирјуков. Во саботата на плоштадот Манежнаја, во близина на Црвениот плоштад дојде до жестоки судири меѓу полицијата со според последните процени околу пет илјади претежно млади луѓе од различни провиниенции, од фудбалски навивачи до приврзаници на националистички организации. Во судирите со повреди се хоспитализирани 29 лица а според првичните податоци починал еден од повредените.Жестокиот судир меѓу демонстрантите кои употребуваа пиротехнички средства, камења и палки, и полицијата која употреби пендреци, избија откако навивачите не сакаа да се повлечат на повиците на московските власти туку одговорија со националистички пароли и со напади врз случајните минувачи кои им наликувале на припадници на етничките малцинства од подрачјето на северен Кавказ.Претходно илјадници навивачи на московски Спартак се собраа и положија знамиња на автобуската постојка на булеварот Кронштад во северниот дел од Москва на којашто на 6-ти декември беше застрелан Егор Свиридов еден навивачките водачите во тепачка со доселениците од северен Кавказ. Според некои руски медиуми, Свиридов бил водач на „Ултрас“ една од насилните навивачки групи на Спартак. Ова убиство предизвика голем револт кај навивачките групи во Русија. Блоговите и социјалните мрежи во Русија деновиве се многу активни во врска со овој случај и на нив се изразува голем револт заради нерешавањето на овој случај. Полицијата прво уапси шест осомничени, но ослободи петмина но досега нема подигнато обвинение. Во руските медиуми се изразува загриженост дека тензиите ќе се зголемат затоа што навивачите преку своите блогови потсетуваат дека се’ уште не е решен случајот на убиството на уште еден навивач на Спартак, Јуриј Волков, од летово годинава.