Европа
Неплатен стажист на ОН спие во шатор
Дваесет идвегодишно момче од Нов Зеланд, кое работи во Обединетите нации во Женева, како стажист на волонтерска основа, спие во шатор, затоа што нема пари да плати сместување во еден од најскапите градови во светот.
Дваесет идвегодишно момче од Нов Зеланд, кое работи во Обединетите нации во Женева, како стажист на волонтерска основа, спие во шатор, затоа што нема пари да плати сместување во еден од најскапите градови во светот.
Дејвид Хајд, спие на брегот на Женевското Езеро, во близина на UN Beach Club, каде доброситуираните вработени во организацијата се сончаат, возат педалинки или пијат аперитиви на шанкот.Ситуацијата на Хајд била интересна за весникот Tribune de Genève, кој извести за тоа како момчето се бори со обилниот дожд и невремето кое го зафати градот во неделата.„Не одбрав шатор кој е доволно отпорен на вода“, признава тој за весникотОбласта во која го подигнал шаторот е мокра, а утрото потоа, во понеделникот, тој мора да го облече својот костум, да го собере шаторот, да ја спакува гасната печка, и другите работи што ги поседува и да замине на својата неплатена работа.„Како го прават другите тоа?“, се прашува тој мислејќи на десетици други стажисти, кои исто така работат без плата во Обединетите нации во траење од шест месеци.Смета дека тој живот и стажот од Обединетите нации може да го имаат само оние чии родители може да им платат сместување и храна.Хајд одлучил да се смести во шатор откако барајќи сместување во Женева, град познат по тоа што е најскап во светот, открил дека не може да си плати кирија.Сега, се прашува дали ќе може да заври со стажирањето. „Можеби бев наивен штом дојдов овде, но оваа политика (на неплатена работа) ме прави бесен“.Асоцијацијата за стажирање во Женева лобира во Обединетите нации и другите меѓународни организации сместени во Женева да ја сменат таа политика на ангажирање работници без надомест.Асоцијацијата организираше марш на Денот на трудот во мај, за да го привлече вниманието кон неплатената работа и демонрираа пред седиштето на UNOG , за тоа како младите луѓе се експлоатирани од организацијата која всушност треба да биде пример.Укажаа на недоследноста на ОН, кои промовираат глобални вредности како недискриминација, различност и инклузивност, „но тоа не го применуваат на својот персонал“.Работите за стажантите кои немаат финансиска сигурност се комплицираат поради клаузулата која забранува на тие млади луѓе да се вработат во ОН во следните шест месеци, откако ќе завршат со стажирањето.ОН и нејзините агенции во Женева ангажираат 162 стажанти годишно, а секоја агенција одредува дали ќе им се плати или не за нивниот ангажман, вели Ахмад Фози, директор на информативниот центар на ОН, за Tribune de Genève.Според истражувањето на Асоцијацијата на стажанти од Женева, 68,5 отсто од овие стажанти во 2013 година биле неплатени. Швајцарските федерални регулативи за туд не се однесуваат на ОН и нејзините агенции./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.