Рускиот претседател Владимир Путин во средата изјави дека убиството на рускиот политичар и жесток критичар на политиките на Кремљ, Борис нецов претставува срамна трагедија со политичка заднина.

Поранешниот покраински гувернер, министер за енергетика и прв вицепремиер, 55-годишниот Борис Немцов беше застрелан со четири куршуми во грбот додека со партнерката, 23-годишниот украински модел Ана Дурицка во петокот пред полноќ минувал преку Големиот мост на реката Москва, недалеку од Црвениот плоштад и Кремљ. Од неколкуте политички убиства последните две децении, ликвидацијата на Немцов наиде на најголем одек и во самата Русија но и во странство, во заднината на украинската криза, особено по непотврдените тврдења дека опозиционерот и соосновач на либералната парија СРС Парнас планирал да обелодени материјали за наводната руска вмешаност во војната во источна Украина.

Руската власт, покрај отворената голема истрага посветува внимание и на верзијата за можна политика провокација со цел да се дестабилизира политичката состојба во Русија.

„Траба да се обрати големо внимание на злосторствата кои силно одекнуваат во јавноста, вклучително и на оние со политичка заднина. Во Русија не би смеело да се случуваат срамни трагедии каква што видовме неодамна. Мислам на убиството, безочното убиство на Борис Немцов во самиот центар на престолнината“, изјави рускиот претседател Владимир Путин во говорот одржан на состанокот со челните функционери на министерството за внатрешни во средата.

Во саботата веднаш по убиството на Немцов, Путин преку својот неговит кабинет изрази жалење поради убиството и објави дека лично го презема надзорот врз истрагата во којашто се вклучени и шефовите на сите истражни и разузнавачки службид неговиот кабинет. Во соопштението, исто така, беше искажано дека би можело да станува збор за нарачано убиство и провокација пред одржувањето на најавениот митинг на опозицијата против кризните мерки што ги воведе руската влада во врска со западните санкции поради наводната руска улога во украинската криза и соодветниот руски одговор со забрана на увоз на западни стоки во недела во Москва, што требаше да го води Немцов. „Путин истакна дека станува збор брутално убиство коешто ги има сите знаци на нарачано и оти е исклучиво со провокациска природа“, изјави во саботата портпаролот на Кремљ, Дмитриј Песков.

Засега нема уапсени осомничени. Во средата директорот на разузнавачката Федерална служба за безбедност (ФСБ) изјави дека истрагата довела до неколку осомничени, но одби да даде поединости.

Претпладнето руските медиуми објавија дека е идентификуван автомобилот марка „форд“ по кој полицијата трагаше во врска со можна инволвираност во убиството, и оти му припаѓа на министерството за финансии. Министерството брзо реагираше со соопштение дека станува збор за возило на агенција за обезбедува која е ангажирана за безбедноста на владини институции, меѓу другите и на министерството за финансии. Беше истакнато и дека автомобилот пристигнал на местото на злосторството на мостот кога веќе таму било пристигнато полициско патролно возило./крај/мф/сн

Извор: Макфакс