Регион
Полициски специјалци на РС осомничени со оружен грабеж
Петмина припадници на Специјалната полиција на Република Српска (РС) уапсени се поради сомнение дека учествувале во кражба на 300.000 евра, кои ги превезувало специјално комбе од Бања Лука за Загреб.
Еден од уапсени припадници на Специјалната полиција бил ангажиран на обезбедување на српскиот премиер Александар Вучиќ за време на посетата на Сребреница.
Филмската кражба била забележена од надзорна камера поставена на блиндираното возило, кое ги превезувало парите.
На снимката се гледа како возилото кое превезувало околу 300.000 евра запира, а пред него се паркира „ауди“, чии врати се отвораат дека возилото е во движење. Од „аудито“ излегуваат пет вооружени маскирани машки лица. Тие со кундак од пушка го кршат стаклото од возилото кое ги превезува парите и под закана со оружје вадат двајца работници на „Сектор секјурити“, кои биле ангажирани како обезбедување.
Грабнувачите ги извлекуваат од кола и возачот и совозачот, додека двајцата припадници на обезбедувањето лежат на земја.
Во пукотницата во која биле користени автоматски пушки и ракетен фрлач „зоља“, ранет е еден припадник од обезбедувањето.
Автомобилот Ауди А’ пронајден е по два дена сокриен во шумичка, недалеку од местото на настанот. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео+Фото) Град со големина на лешник уништи фасади од куќи, поплавени улици и домаќинства: големо невреме во делови од Војводина
Страшно невреме денеска попладне зафати делови од Војводина, но најголеми последици почувствуваа жителите на Бачка Паланка.
На видеата и фотографиите кои се шират на социјалните мрежи, град со големина на лешник падна врз домаќинствата и ги покри нивните дворови.
На улиците се појавија големи порои, а некои згради беа поплавени.
Се појави и видео од поплавената гимназија Бачка Паланка.
Како што претходно беше најавено, силната бура забележана на североистокот на Босна се пресели во Војводина и се движи понатаму кон Романија.
Според жителите на Бачка Паланка, некои домаќинства останале без струја.
Републичкиот хидрометеоролошки завод претходно издаде предупредување за невремето.
Регион
Ученик донел бомба во училиште во БиХ
Полициските службеници од Полициската администрација Приедор дејствувале по пријава на директорот на основното училиште „Петар Петровиќ Нјегош“ во близина на Приедор, дека од страна на просветен работник на тоа училиште била одземена рачна бомба од еден ученик.
Постапувајќи по пријавата, полицајците утврдиле дека се работи за бомбата „М75“ (т.н. црна бомба) без почетен дел за детонација, и како таква се смета за неупотреблива и не може да биде опасност.
За настанот бил информиран и Окружниот јавен обвинител на Приедор под чиј надзор ќе се преземаат понатамошни мерки и активности.
Информациите за споменатиот настан ќе бидат доставени до Центарот за социјална работа Приедор, пренесуваат медиумите во регионот.
Регион
Масовно труење во Грција: девет деца примени во болница, кај двајца пронајдена салмонела
Над 100 луѓе, меѓу кои дури девет деца, завршија во болница поради гастроинтестинални проблеми наводно поврзани со консумирање вода за пиење во различни делови на Грција.
Девет деца се хоспитализирани на Клиниката за детски болести, а еден маж завршил на Одделот за интензивна нега.
Здравствените служби се во состојба на готовност откако дознаа дека водата технички не е исправна во Стефановкио и Ризомилос откако над 100 лица се примени во болницата и Здравствениот дом во Велестин.
Според неофицијални информации, салмонела била пронајдена кај две деца.
Граѓаните се информирани за забраната за консумирање вода за пиење и тоа ќе трае, велат, најмалку 20 дена. Исто така, ќе се врши анализа и истрага на водата за да се утврди причината што ја предизвикала контаминацијата на водата.
Големо незадоволство има во две грчки села бидејќи мештаните цела минатата недела имаа гастроинтестинални проблеми, а известувањето за неисправната вода беше објавено дури во петокот кога се појавија болни деца.
„Управата за епидемиолошки надзор и интервенции за заразни болести ЕОДИ на 30.05.24 од Здравствен дом Велестино е известена за зголемен број на случаи на гастроентеритис кај жителите на Ризомилос и Стефановикиу во регионот на Магнезија“, се наведува во соопштението.
Гастроентеритис е инфекција и воспаление на слузницата на желудникот и цревата, што се манифестира со повраќање, дијареа и стомачни грчеви.