Европа
Пеколно возење во забавен парк во Велика Британија, четворица повредени
Четворица се тешко повредени по судар на две композиции на „возот на смртта“ во забавен парк во Велика Британија.
Четворица се тешко повредени по судар на две композиции на „возот на смртта“ во забавен парк во Велика Британија.
Две момчиња и две девојки се повредени во инцидентот што се случил во забавниот парк Алтон Тауерс, а во несреќата учествувале вкупно 16 луѓе. Според некои информации, еден од повредените ја изгубил ногата при несреќата.
Сударот на двете композиции се случил во долниот дел на полигонот, околу 14 часот по локално време во вторникот, додека во едниот вагон имало 16 луѓе, а другиот бил празен.
Сé уште се истражуваат околностите под кои се случила несреќата.
„Крв имаше на сите страни“, вели еден сведок „Додека тие што се возеа беа застанати под агол од 45 степени, крв капеше од возот. Неколку луѓе беа повредени, а еден маж изгледаше сериозно повреден. Од почит не направив фотографии од несреќата“, вели Дени Сим.
Според очевидци, како што пренесува Daily Mail, на персоналот од паркот им требале десет минути да пристигнат до местото на несреќата, а во наредните четири часа, еден по еден биле спасувани 16 учесници во несреќата. Повредените со хеликоптер биле однесени до болница.
Итната помош дошла по 25 минути.
Една од посетителките во паркот која чекала ред да се вози на ролокостерот „The Smiler“, вели дека несреќата ја згрозила. „Некој ги пушти да се судрат со празната композиција. Тоа е одвратно. Речиси заплакав кога го слушнав ударот“, вели таа.
Ролокостерот „The Smiler“ е релативно нов. Пуштен во употреба во 2013 година и е единствен на светот со 14 завртувања. Сепак, од почеток го следат технички грешки и несреќи. Веќе се забележани седум. Дел од нив во тест возења, а дел со патници во композициите. При една несреќа бил затворен три дена поради тоа што се откачила метална прачка од еден метар во тек на воезење. Подоцна пластични тркала паднале врз првите четворица кои седеле напред кога возот почнал вертикално да се искачува.
Во последниов случај, според вработените, постои механизам на кочниците кои треба да ја сопрат колата со патници кога изгледа дека ќе се судри со друга, но во вторникот тоа не се случило, па сега се истражува причината за тоа. Во сличен случај при тест возење, била утврдена компјутерска грешка.
Според Daily Mail, ретки се случаите на смрт при возење со ролокостери во Велика Британија, но не се непознаница, така забележано е дека во 2004 година загинала една девојка кога паднала од ролокостерот, а истото се случило и со друга девојка во 2011 година, во друг забавен парк./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.