Скопје
Цветно дефиле за 38-годишнината на Општина Карпош
Над илјада деца продефилираа во понеделникот по една од главните скопски сообраќајни артерии булеварот „Партизански одреди“ закитени со шарени цветови на главите, венци, чадори, и весели фустанчиња, во чест на 3-ти ноември Денот на Општина Карпош.
Над илјада деца продефилираа во понеделникот по една од главните скопски сообраќајни артерии булеварот „Партизански одреди“ закитени со шарени цветови на главите, венци, чадори, и весели фустанчиња, во чест на 3-ти ноември Денот на Општина Карпош.
Цветното дефиле, коешто секоја година се одржува по повод денот на формирањето на оваа скопска општина, годинава беше преточено во вистинска есенска слика. Детскиот џагор и насмевки го наполнија плоштадот „Делфина“ во Влае, каде всушност стартуваше традиционалната манифестација „Цветно дефиле“.
Градоначалникот Стевчо Јакимовски ги поздрави најмладите жители на општината и им призна на децата дека оваа манифестација му е една од најважните и најмилите настани кои ги организира локалната самоуправа.
„Ова цветно дефиле го прават нашите најмлади жители, децата од градинките и од основните училишта на територија на општина Карпош. Ова е повод тие да се претстават со достигнувањата во образованието, културата, рециталот и воедно да го прослават роденденот на Општината. Тие, од најмала возраст, знаат дека се припадници на општина Карпош и дека нивната општина слави 38-години од своето постоење“, рече Јакимовски
Децата и вработените од градинката „Орце Николов“, го честитаа роденденот на општина Карпош и со подарок, уметнички дела – цртежи ја збогатија општинската библиотека. Подарокот му го врачија на градоначалникот Стевчо Јакимовски и на претседателот на Советот, Сашо Лазаревски.
Присутните родители, наставници, основци и децата од претшколската возраст ги забавуваа, културните уметници од КУД „Цветан Димов“, а можеше да се ужива и во балетска точка, како и да се слушне златниот глас на Карпош, Ангелина Спасовска. Чествувањето на роденденот, најмладите од градинката „Распеана младост“ го заокружија со песничката за другарството./крај/мф/мг
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во Скопје
Во официјална посета на Република Северна Македонија ќе присуствува Претседателката на Парламентот на Р. Албанија, г-ѓа Елиса Спиропали.
Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот по сообраќајниците на поширокото централно подрачје на Град Скопје.
СВР Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.
Скопје
Герасимовски: Поставивме 720 фотоволтаични панели на покривот на ООУ „Киро Глигоров“
Основното училиште „Киро Глигоров“ е вториот објект во Општина Центар кој доби фотоволтаични панели на покривот. На кровната површина се поставени 720 панели со максимална инсталирана моќност од 396,00 Kw (киловати) за производство на електрична енергија. Нивниот приклучок се очекува наскоро, а градоначалникот на Општина Центар Горан Герасимовски информира дека целиот процес за набавка и инсталирање на фотоволтаичната централа е од општинскиот буџет и е во висина од 7.3 милиони денари.
„Според истражувањата на пазарот, за реализирање на оваа инвестиција од општинскиот буџет првично планиравме 18 милиони денари, ама на Јавната аукција цената се симна на 7.3 милиони денари. Со поставувањето на оваа фотоволтаична централа ние очекуваме значително да се намалат вкупните трошоци за електрична енергија, што нам како локална самоуправа ќе ни овозможи да вложиме повеќе средства во одржување на високиот квалитет на услугите за образование на децата, потенцира Герасимовски.
Минатата година Општина Центар по само неколку месеци од основањето на трговското друштво за производство и продажба на „Енергија Центар“ ја постави првата фотоволтаична централа на кровот на градинката „Пепелашка“.
Скопје
Без струја дел од Кисела Вода
Од ЕВН Македонија АД известуваат дека денеска без електрична енергија ќе остане дел од општина Кисела Вода.
Во периодот од 08.00 до 14.00 часот, струја ќе немаат корисниците од Драчево, улица Чучевска, улица Китка (општина Кисела Вода).