Спроведување на пакетот за итните реформи кој го објави минатата седмица Европската комисија, како и почитување и спроведување на договорот од 2-ри јуни за надминување на политичката криза во Македонија, се бара во заклучоците на Советот на Европската унија, кој подоцча во четвртокот треба да бидат усвоени на самитот на министертите за надвореши работи .

На последниот состанок под летонското претседателство со ЕУ во вторникот, Советот за општи работи усвои шест заклучоци за Македонија, сите се поврзани со актуелната политичка состојба во нашата држава, пренесува дописникот на МИА

Потврдувајќи ги своите заклучоци во однос на Република Македонија што Советот ги усвои во декември 2014 година, како и во април 2015 година, во првиот заклучок за Македонија се нагласува посветеноста на ЕУ во рамки на Солунската агенда и кандидатскиот статус на Република Македонија, како и дека Советот ја повторува својата голема загриженост за ситуацијата во земјата, особено за тековната политичка криза. Притоа, Советот ги забележува позитивно напорите на локалните партиски лидери во последните средби да бараат и да достигнат решение и во овој контекст го поздрави олеснувањето на комесарот Хан, како и на членовите на Европскиот парламент.

Советот забележува, како значаен прв чекор во решавањето на политичката криза, договорот олеснет во Скопје на 2 јуни 2015 година. Овој договор ги утврдува обврските од страна на лидерите на најголемите политички партии за справување со сериозната загриженост за владеењето на правото и да останат посветени на процесот на пристапување во ЕУ и демократските принципи на земјата, вклучувајќи го и одржување на добри меѓуетнички односи преку целосна имплементација на Охридскиот рамковен договор, како и со зајакнување на добрососедските односи. Советот смета дека договорот од 2 јуни е основа за идните дискусии. Советот ги повикува политичките партии, во интерес на граѓаните и на земјата, да преземат одговорност и да преземат итни мерки за одржливо решение, конструктивно да се вклучат во политичкиот дијалог и да продолжат со напорите за да се врати довербата во институциите, се наведува во третиот заклучок за Македонија.

Шефовите на дипломатиите на ЕУ-земјите, во заклучоците, исто така, потенцираат дека Советот ги повикува сите страни да го почитуваат нивниот договор од 2-ри јуни и да ги имплементираат сите препораки на Комисијата, почнувајќи со приоритетите за итни реформи во однос на системските прашања за владеењето на правото кои произлегуваат од актуелната криза, вклучително и во однос на прекршувањето на основните човекови права, слобода на судството, слобода на медиумите, избори, корупција, политизација на државните институции и држава/партија замаглување и неуспесите за надзор. Имплементацијата на овие препораки ќе биде внимателно следена од страна на Комисијата. Изборните реформи во согласност со препораките на ОБСЕ/ОДИХР се итно потребни и во врска со почетна системските реформи ќе придонесат за обезбедување на еднаквост пред идните избори, за слободно и фер спроведување од кој важен индикатор ќе бидат реформите во овој поглед. Згора на тоа е потребно да се обезбеди што е можно поскоро темелна и независна истрага на материјалот што откри било-каков кривичен престап, со целосно почитување кон самиот процес, принципот на независност на судството и пресумпцијата на невиност – се наведува во четвртиот заклучок за Македонија.

Во последните два заклучока, Советот за Македонија нотира дека се радува на седница на Советот за стабилизација и асоцијација во јули каде што ќе очекуваат детални извештаи за конкретно преземените акции што се предвидени во следните месеци.

Во последнито заклучок се наведува дека Нагласувајќи ја потребата за Република Македонија да направи лесен и видлив напредок кон исполнување на приоритетите за итни реформа во рамки на утврдената условеност и во согласност со заклучоците на Советот од 16-ти декември 2014 година и 21-ти април 2015 година, Советот реафирмира дела ќе го продолжи ангажманот на ЕУ, вклучително и преку редовно известување од страна на Комисијата и на Европската дипломатска служба (ЕЕАС) за ситуацијата во земјата, меѓу другото за приоритетите за итна реформа, како и на посветеноста на земјата на агендата на ЕУ, како и за процесот на проширување што произлегуваат од нејзиниот кандидатски статус. Советот останува посветен на ова прашање и ќе се наврати на истото во следните месеци, гласи завршниот, шести заклучок на Советот за општи работи за Македонија.

Доколку она што го бараат Советот на ЕУ и Европската комисија, вклучително и решавање на политичката криза, Република Македонија не го оствари до крајот на септември годинава, октомврискиот извештај за напредокот на земјата во евроинтеграциите, по шест години, првпат ќе нема препорака за отворање на преговорите за членство на Македонија во ЕУ./крај/мф/сн

Извор: МИА