Македонија
Георгиевски: Кривично дело е ако му кажам на Стојменов дека е доушник
„Борис Стојменов пред два-три дена ме повика на дуел. Јас со Стојменов можам со задоволство да направам дуел за економија и за политика.
„Борис Стојменов пред два-три дена ме повика на дуел. Јас со Стојменов можам со задоволство да направам дуел за економија и за политика. Но на Стојменов не можам да му кажам ниту пред вас новинарите, ниту нему лично дека е доушник, затоа што тоа е тешко кривично дело. Исто така не може ниту документите да му ги дадам, бидејќи исто така и тоа е кривично дело. Единствен кој е одговорен и кој може да каже дека некои документи се легитимни тоа е Комисијата за лустрација“, изјави денеска поранешниот премиер и претседател на ВМРО-ДПМНЕ, Љубчо Георгиевски.
„Има една работа која за жал Комисијата се обидува да ја стави настрана. Информацијата дека во последната етапа е дискутирано и гласано за најмалку тројца луѓе, еден уставен судија и двајца пратеници, ја даде самата Комисија за лустрација. Таа не ја измислија ниту новинарите, ниту политичарите. Значи таа информација излезе и беше објавена од самата Комисија. И понатаму останувам на тоа прашање, таа да одговори за кои други двајца пратеници, покрај уставниот судија се гласало. Зошто се гласало со 7:3. Кои се тие луѓе?“, рече Георгиевски.
Според него за случајот со Стојменов не се работи за купување на пратеник, туку како што рече за договор за земање под капа од власта на уште еден медиум во Македонија .
На новинарското прашање зошто лустрацијата не била спроведена во времето кога тој беше на премиерското место, Георгиевски одговори дека од тројцата министри за внатрешни работи кои се смениле во неговата Влада добивал идентичен одговор дека досиеата се уништени.
„Секогаш сум го добивал ама буквално идентичниот одговор и од тројцата министри дека се е уништено, дека сите досиеја за доушници се или изгорени, или запалени , или некаде однесени. Значи дали тоа биле информации кои тие ги добивале од своите соработници и не сакале да се потрудат да се позанимаваат со тој проблем, јас не знам во што е причината. Значи ако министрите ви кажуваат дека нема досиеја, зошто вие ќе правите лустрација кога знаете дека ќе пукате во празно“, вели Георгиевски.
Според него потребно е да се направат измени во Законот за лустрација и тој да важи до денес и имињата на доушниците да бидат јавно објавени.
„Посебно ми е задоволство што владејачката партија ВМРО-ДПМНЕ позитивно ја прифати провокацијата од моја страна која беше направена во отвореното писмо до премиерот Груевски и еве сега ветуваат дека лустрацијата која требаше да биде умрен процес после ова единствено лустрирање на уставниот судија, повторно заживува, повторно ќе се зборува за неа и се надевам дека само сега ќе си стојат на зборот. Што побрзо Закон и што побрзо донесување на тој закон кој што сега го нудат“, изјави Георгиевски.
И пратеникот Стојан Андов смета дека е потребно да се направи интервенција во законот и тоа треба да биде внимателно направено, бидејќи како што рече има многу случаи кои и по 91та продолжиле да бидат оперативни и тие не се отвораат бидејќи се оперативни.
„Основно е тука да се остави Комисијата да си ја работи својата работа, да не и се вплеткуваат различни странични притисоци како што е со надгласувањето . Исто така не треба нејзината работа да се употребува за партиски цели“, вели Андов./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Да излеземе да гласаме, за да не можат да не’ уценуваат никогаш повеќе
Претседателот на ВМРО-ДПМНЕ, Христијан Мицкоски вечерва порача дека изборите се финална одлука за тоа дали Македонија ќе биде вратена назад на народот или ќе остане киданапирана во рацете на стотина луѓе.
„Да ја отфрлиме апатијата и цинизмот и наместо тоа да ја прифатиме моќта на нашиот колективен глас да донесе значајни промени. Заедно надминавме безброј предизвици, преживеавме бури и напредувавме со непоколеблива решителност. И сега, додека стоиме на прагот на новото поглавје во приказната на нашата нација, да го искористиме овој момент со храброст и со одлучност. Пријатели, браќа и сестри, Нашата победа е на дофат. Но, не е доволно само да веруваме во подобро утре. Мора да дејствуваме. Мора да се мобилизираме. Мора да гласаме. За да немаат можност да нѐ уценуваат никогаш повеќе! Ве повикувам да излезете на избори со гордост и со одлучност“, порача Мицкоски.
Како што додаде, сите сме свесни во каква состојба е државата и што се случува околу нас. Оправдано, вели Мицкоски, многумина од вас велат ја изгубивме државата, затоа што гледаат дека институциите не функционираат, ја препознаваат корупцијата која е широко распространета, знаат дека политичарите не мислат на нив, туку само на себе.
„Тоа мора да престане. Мора да престанат разочарувањата и поделбите.Затоа што, има само една Македонија. Нема социјал-демократски планини, и вмро-вски реки, нема градови и села на дуи, или на алијанса и беса, или алтернатива, нема езера на левица или на Знам, тоа е една единствена Македонија. Нема социал-демократска или вмровска Македонија. Има само една Македонија. И ова е говорено многупати претходно но никој ништо не превзел. И се додека тоа не го сфатиме сите, и одговорно се однесуваме кон тоа, затоа што е крајно време, и ова е ми се чини и нашата последна шанса, се до тогаш, не е можен просперитет. Мора да сфатиме дека има само една Македонија и сите сме нејзин составен дел и дека таа не е ништо без нас и ние без нејзе, и дека од тоа каква е и каква ќе биде, зависат нашите животи и животите на идните генерации“, порача Мицкоски.
Македонија
Сиљановска-Давкова до младите: Не бегајте од Македонија, на 9 мај ќе почне нова демократска македонска историја
На 8 мај мора да ја повторите лекцијата од 24 април. Да научат како се однесува народот. Мора да им одржиме лекција дека народот легитимира, народот делегитимира. На овие избори се случува чудо, не доаѓаат само реки од народ од Македонија, туку и нашите Македонци од странство. На младите им порачувам, не бегајте од Македонија, не одете си! На 9 мај ќе почне нова демократска македонска историја. Ќе имаме нова одговорна власт, порача на митингот во Прилеп, кандидатката за претседателка поддржана од ВМРО-ДПМНЕ, Гордана Сиљановска-Давкова.
„Немојте да дозволите оние кои повикуваат на бојкот да ви го суспендираат избирачкото право. Тоа е ваше! Излезете и гласајте! Така ставате камче во новиот темел на демократска Македонија! Надежта ја гледам секој ден на лицата на младите, кај возрасните! Знаат дека се ближи ново време, ново македонско доба во која улога ќе имаат сите без оглед на припадноста. Времето на знаење, ум, креација доаѓа! Вие го направивте правиот избор на 24 април. Не се сомневам дека нема да го бојкотирате она што е ваше, избирачкото право. Сигурна сум дека ќе го направите вистинскиот избор на 8 мај. А потоа, заедно ќе го славиме Денот на победата над фашизмот. Тој ден ги обедини сите и повторно сите ќе не обедини. Ама сега за повисоки цели. За право и правда! За држава каква што заслужувате! Ве молам размислете, ние немаме друг избор. Македонија! Македонија вечна! Македонија сме ја наследиле, ќе ја оставиме на идните поколенија! Македонија горда! Како што се гордеам јас на Ченто, да се гордеете вие на вистинските чекори што сте ги направиле на 24 април и на 8 мај“, порача Давкова.
Македонија
Таравари: Ветувам дека кога ќе ја формираме Владата ќе трчаме уште посилно отколку во кампањата
„Со верба ветувам дека јас и сите челници на ВЛЕН кога ќе ја формираме Владата ќе трчаме уште посилно отколку во кампањата“, ова беше првото јавно ветување што Арбен Таравари го даде на големиот митинг во Тетово, додавајќи дека по 8ми мај нема да им биде удобно во кожните фотелји, туку ќе работат уште повеќе за сите.
Таравари нагласи дека иако имал многу понуди од Али Ахмети, тој избрал да биде со народот.
„Не сакам да се задржам многу. Оваа кампања беше незаборавно искуство за мене! Најдов пријатели и тим како ВЛЕН, видов и предавство од некои, кај кои како и кај секој предавник останува само сенка, но во повеќето најдов многу верба и храброст! Имав многу понуди од Али Ахмети, понуди на кои некои мои сопартијци не можеа да одолеат… но јас избрав да бидам ти. Горд сум што го направив овој избор и нека ни е Среќна Победата!“ – истакна Таравари.
Убеден во победата, Таравари рече дека Историската промена ќе остане запаметена како Револуција на светлата.
„Сега сè започна со некои светла од мобилни телефони, кои се палеа дури и кога режимот викаше дека ги гаси светилките на народот… овие светилки се спротивставија… се зголемија и денес тие се светлината на слободата што ја дигнаа земјата на нозе! Сега ги поканувам моите колеги од ВЛЕН на сцената и сакам сите да се фотографираат со вашите светла и да знаат сите дека оваа Историска промена ќе биде запаметена како Револуција на светлата. Господ да ве благослови!” рече Таравари во своите завршни зборови пред илјадници граѓани во Тетово.