Регион
Фулани останува гувернер и покрај грабежот во Народната банка на Албанија
![](https://makfax.com.mk/wp-content/uploads/2016/10/ardian-fullani-610x280.jpg)
Ардијан Фулани останува на функцијата гувернер на Народната банка на Албанија и покрај тоа што деновиве во банката се случи голем грабеж при што беа украдени над седум милиони долари.
Надзорниот одбор на банката со пет гласови ‘против’ не го прифати предлогот на Ермелинда Мекси, која се наоѓа на висока функција во редовите на Социјалистите кои се на власт, Фулани да биде резрешен од оваа функција. Членовите на надзорниот одбор сметаат дека Фулани не е виновен за грабежот и покрај фактот што кражбата ја извршија вработени во банката.
Медиумите во Тирана оценуваат дека Фулани има свои луѓе во одборот, но додаваат дека протестите за негово разрешување кои неколку денови се одржуваат во Албанија по оваа одлука на одборот ќе се зголемат.
Полицијата приведе десет лица во врска со големиот грабеж.
Народната банка на Албанија според медиумите ги има вработено преку Фулани сите најблиски пријатели и роднини на клучните луѓе во земјата како од власта така и од опозицијата. Поради оваа состојба и нема некои големи реакции од страна на главните институции во земјата за смена на Фулани.крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Мицотакис: Грција се соочува со опасно лето поради пожари, суша и ветрови
![](https://makfax.com.mk/wp-content/uploads/2019/01/micotakis.jpg)
Грчкиот премиер Киријакос Мицотакис предупреди дека Грција ја чека опасно лето поради шумските пожари, продолжената суша и невообичаено силните ветрови кои придонесуваат за ширење на пожарот.
„Имавме исклучително тежок јуни во однос на временските услови, со силна суша и невообичаено силен ветер за овој период од годината. Сакам да им се заблагодарам на сите што направија одлична работа во последните неколку дена, но и да ни го свртам вниманието назад кон летото за кое се предвидува дека ќе биде особено опасно“, рече Микотакис, пренесува Катимерини.
Шумските пожари се вообичаени во Грција, а топлото, суво и ветровито време кое научниците го припишуваат на ефектите од климатските промени ја зголеми нивната фреквенција и интензитет.
Регион
Нов сведок во случајот со убиството на Данка: по 5 месеци во полиција изјавил дека џогирал покрај ѓубриштето во моментот кога осомничените го фрлале телото на девојчето
![](https://makfax.com.mk/wp-content/uploads/2024/04/danka-ubijci.jpg)
Во Вишото јавно обвинителство во Заечар за 5 јули е закажано сослушување нови сведоци во истрагата за убиството на Данка Илиќ од Бор, која како што се сомнева, ја убиле работниците на ЈКП „Водовод“ од Бор, Дејан Драгијевиќ и Срѓан Јанковиќ. Како што објави Нова.рс, сослушувањето на еден од нив е од големо значење за истрагата.
„Станува збор за двајца соседи од Бањско Поље, од кои не се очекува ништо пресудно. Но, маж од Бор, кој е трет сведок, контактирал со надлежните и рекол дека џогирал точно во моментот кога осомничените биле на буништето и наводно го фрлиле телото“, вели изворот и додава:
„Што точно видел, зошто дури сега се јави, ќе се знае во петок. Постои можност неговото сведочење да докаже дека навистина го фрлиле убиеното дете на ѓубриште…“
Инаку, осомничениот Дејан Драгијевиќ, кој на рочиштето во обвинителството по апсењето го призна делото и детално го опиша, побара обвинителството повторно да го сослуша.
Адвокатката Вања Живковиќ рече дека до денес не добила потврден или негативен одговор дали обвинителството ќе го прифати повторното испитување на нејзиниот клиент Дејан Драгијевиќ.
Инаку, Драгијевиќ во образложението зошто сака дополнително рочиште вели „за да се расветлат околностите и изнесените факти кои ги ставил на записник на рочиштето на 5 април 2024 година“.
За потсетување, осомничени за убиството на Данка Илиќ се Срѓан Јанковиќ од село Лука и Дејан Драгијевиќ од селото Злот кај Бор, кој го признал делото велејќи дека го удриле девојчето со возило на „Водовод“ Бор, по што со голи раце ја задавил. Тој откри и дека неговиот татко Радослав и сега починатиот брат Далибор му помогнале да го сокрие телото на девојчето, кој, неколку часа по апсењето почина во полициската управа Бор.
Регион
Избран нов патријарх на Бугарската православна црква
![](https://makfax.com.mk/wp-content/uploads/2023/08/sofija-bugarija-3.jpg)
Бугарската православна црква го избра митрополитот Даниил за нов патријарх и митрополит софиски.
Ѕвоната во храмот на Александар Невски во центарот на Софија го најавија изборот на новиот патријарх, кој доби поддршка од 69 делегати на црковниот собор, додека митрополитот Григориј беше поддржан од 66 делегати, пренесе агенцијата БТА.
Патријархот се избира доживотно, освен ако не се повлече.
На чело на Бугарската православна црква, Даниил Видински го наследи патријархот Неофит, кој почина во март на 78-годишна возраст, откако 11 години ја водеше црквата.
Новиот бугарски патријарх се смета за проруски настроен и тој застана на страната на Московската патријаршија во спорот со Вселенскиот патријарх во врска со независноста на Украинската православна црква, пренесе АП.
Даниил го критикуваше и протерувањето минатата есен на еден Русин и двајца белоруски свештеници обвинети за шпионирање за Москва.
Патријархот Даниил (52), роден Атанас Николов, студирал теологија во Софија, а потоа се замонашил во манастирот.
Тој припаѓа на првата генерација млади Бугари кои се приклучија на црквата по падот на комунизмот.