Европа
Над 300 животни од зоолошката во Тбилиси загинаа во невремето
Повеќе од 300 жители на зоолошката градина во грузиската престолнина Тбилиси се жртви на стихијата во која животите ги загубија и најмалку 12 луѓе, некои од нив загинале во поплавата, а дел од грабливците кои избегале од кафезите биле убиени од специјалците, соопшти во неделата вечерта управата.
„Во зоолошката градина имаше повеќе од 600 жители, повеќето од половината не преживеаја. Ѕверките коишто избегаа делумно беа убиени, дел пренесени на посебно безбедно место. Во овие моменти работиме на расчистување. Како што е позната, нашиот и миленикот на посетителите белиот лав Шумба, беше најден убиен“, изјавил за медиумите претставник на управата на зоолошката градина во Тбилиси.
Претходно директорот на зоолошката Зураб Гуриелидзе критикуваше дека неколку избегани животни биле убиени од припадниците на специјалните полициски единици без тоа да е неопходно.
Силниот пороен дожд проследен со град и силен ветар го погодија Тбилиси ноќта кон неделата, при што се оштетени голем број домови, улици и градска инфраструктура. Градоначалникот Давид Нерманија изјави дека 12 лица загинале, а грузиските медиуми пишуваат дека секој час се откриваат нови жртви. Тој претпладнето информираше дека од зоолошката градина избегале најмалку 30 опасни ѕверки, меѓу кои волци, лавови и мечки.
Додаде дека прашањето за дислоцирање на зоолошката градина, за што од дамна е поведена иницијатива, сега активно ќе се разгледува./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.