Европа
Свештеникот од ‘Титаник’ сакаат да го прогласат светец
Покрената е кампања за свет да биде прогласен свештеникот кој останал на легендарниот пароброд „Титаник“ наместо од бродот што тоне да се спаси со чамците за спасување.
Отецот Томас Бајлс од црквата „Света Елена“ во Чипинг Онгар во англиската грофовија Есекс, се качил на „Титаник“ во Саутемптон за да присуствува на венчаваката на неговиот помлад брат во Њујорк.
Кога бродот на 15-ти април 1912 година удрил во ледениот брег и почнал да тоне, свештеникот двапати одбивал да влезе во чамец за спасување и одлучил да остане и да се моли со патниците кои останале на палубата. Сегашниот свештеник во истата црква смета дека поради тоа отецот Бајлс би требало да биде прогласен за свет, пишува BBC.
Отецот Бајлс, кој во споменатата парохија пред смртта на служба бил осум години, на денот на една од најтешките поморски трагедии во историјата држел литургија за патниците од втората и третата класа.
Неговото држење пред да исчезне во ледените води на Северен Атлантик заедно со уште 1.500 патници од „Титаник“ го пофалил уште папата Пие Десетти.
„Тој е извонреден човек кој го даде животот за другите. Мораме да ги издигнеме на чест на олтарот, што значи Ватикан дека мора да го прогласи маченик за црквата. Се надеваме и се молиме дека ќе биде прогласен за еден од нашите свети“, изјави сегашниот парох Греам Смит.
За кандидат да биде прогласен за свет, потребно е да му бидат докажани најмалку две чуда. Светата столица бара чудата да ги потврдат лекари кои за него немаат никакво медицинско објаснување.
„Се надеваме дека луѓето ширум светот ќе му се молат кога се во нужда, и дека, доколку се случи чудо, ќе покрената постапка за беатификација и канонизација“, додава Смит./крај/мф/сн
Извор: BBC News
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.