Регион
Николиќ ги спореди барањата на ЕУ со австроунгарскиот ултиматум
Српскиот претседател Томислав Николиќ ги спореди барањата на Европската унија во преговорите за членство на Србија со оние коишто Австро-унгарската монархија ги поставила пред Првата светска војна и рече дека под такви услови приближувањето на Белград на ЕУ не е можно.
Во разговорот за весниците Блиц и Вечерње новости, српскиот претседател Томислав Николиќ зборуваше за новите барања на Европската унија во поглавјето 35 посветено на нормализацијата на односите со поранешната јужна српска покраина Косово и Метохија, којашто по повлекувањето на српските власти од неа во 1999 година по интервенцијата на НАТО, во 2008 година еднострано прогласи независност во согласност со САД и главните земји членки на ЕУ, чија независност Србија не ја признава.
„Тоа ме потсетува на ултиматумот на Австро-Унгарија од 1914 година, и доколку цента (за членството во ЕУ – з.м.) е признавањето на Косово, јас сум против тоа да бидеме во Европската унија“, порача Николиќ.
Реторика во Србија се заостри по состанокот на српскиот премиер Александар Вучиќ и косовскиот колега Иса Мустафа со високата претставничка на ЕУ за надворешна и безбедносна политика Федерика Могерини во Брисел. Србија ја обвини Германија за амандман во преговарачката платформа кој, како што истакна Вучиќ, содржи низа ставки кои го прејудицираат статусот на Косово и се насочени против српските национални интереси. Неговите соработници изјавија дека амандманот го поддржале и официјален Лондон и Загреб.
Во Берлин ваквите обвинувања ги отфрлија како „неосновани“ и порачаа дека западните дипломати не бараат ништо повеќе од Србија од она што веќе не е потпишано во договорот за нормализација на односите со Приштина од 201 година, но бавно се имплементира.
Вториот проблем е можното членство на Косово во УНЕСКО, на што Србија, исто така, остро се спротиставува. Николиќ во петокот ги собра странските амбасадори во Белград и им го изложи српскиот став. Некои од поважните српски верски споменици се наоѓаат на Косово и многумина во Србија ја сметаат за колепка на својот национален идентитет. Николиќ на странските дипломати им порача дека приемот на Косово во УНЕСКО би било како „да му дозволите на волкот да ги чува овците“./крај/мф/сн
Извор: (Reuters)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.