Македонија
Неупотреблива водата од Билјанини извори
Водата од Билјанини извори моментално е неупотреблива, според последните резултати од испитувањата, пренесува Охрид Њуз.
Водата од Билјанини извори моментално е неупотреблива, според последните резултати од испитувањата, пренесува Охрид Њуз.
За испитувањето на квалитетот на водата за пиење во Охрид надлежна институција е Центарот за јавно здравје, а оттаму соопштија дека состојбата е променлива во зависност од временските услови.
„Состојбата е променлива, во зависност од временските услови но, ние сме обврзани да ја информираме јавноста односно граѓаните за сите состојби со водата за пиење.“, изјави Атанаско михаилов, директор на Центарот за јавно здравје во Охрид, како одговор на обвинувањата од Локалната самоуправа, дека ширел лаги и невистини за состојбата со водата во Билјанини извори.
„Со ваквите изјави на локалната, граѓаните се доведуваат во заблуда, затоа што немаат точна информација, дали водата е исправна или не. Според Законот за безбедност на вода кривично дело е да соопштите дека водата е исправна за пиење, а врз основа на направените анализи, тоа да не е точно“,вели Михаилов./крај/охридњуз/ин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Намалена видливост поради магла на Плетвар
Сообраќајот на државните патишта се одвива во зимски услови по влажни коловози со остатоци од кашест снег на коловозот. Снег со слаб интензитет провејува на планинскиот премин Ѓавато, кој не се задржува на коловозот.
Намалена видливост поради појава на магла со видливост од 50 до 70 метри има на Плетвар.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
Македонија
Студено време, преку денот облачно со услови за слаб снег
Времето утрово е студено со појава на магла по одделни котлини. Преку денот ќе биде променливо облачно наместа со услови за провејување на слаб снег.
Минималната температура ќе биде во интервал од -6 до 1, а максималната ќе достигне од -1 до 7 степени, информираат од УХМР.
Во Скопје наутро студено со појава на слаба магла, преку денот претежно облачно и тивко. Минималната температура ќе се спушти до -3, а максималната ќе достигне до 4 степени.
Од петок ќе преовладува стабилно време со пораст на дневните температури. Утринските температури насекаде ќе бидат под нула, а наместа ќе се спуштат и под -10 степени. По котлините ќе има појава на магла и пониски дневни температури.
Скопје
Без вода утрово жителите на Ленинова
Поради дефект, жителите на улицата Ленинова утрово ќе останат без вода.
„Поради дефект на приклучна цевка од Ф 1” (Цол) на улицата Ленинова бр.77, со прекинато водоснабдување ќе бидат дел од корисниците од Ленинова ( потегот од бул.Митрополит Теодосие Гологанов до ул.Никола Тримпаре од 09:00 часот до санирање на дефектот. (општина Центар)“, соопшти Водовод.