Економија
Европските акции ослабеа пред гласањето во Словачка
Европските акции ослабеа во вторникот, по четири дена раст, во претпазливото тргување пред гласањето во Словачка за проширување на овластувањата на европскиот фонда за спас и почетокот на американската сезона на деловни извештаи.
Европските акции ослабеа во вторникот, по четири дена раст, во претпазливото тргување пред гласањето во Словачка за проширување на овластувањата на европскиот фонда за спас и почетокот на американската сезона на деловни извештаи. Лондонскиот индекс FTSE ослабе за 0,7 отсто на 5.360 поени, франкфуртскиот DAX за 0,5 отсто на 5.820 поени, како и парискиот CAC за 0,5 проценти на 3,11 поени.Трговците беа претпазливи пред гласањето во Словачка за проширувањето на овластувањата на спасувачкиот фонд на еврозоната. Словачка е последната членка од 17-те од еврозоната којашто треба уште да гласа за договорот на европскиtе лидери за зголeмување на износот и овластувањата од Европскиот фонда за финансиска стабилност EFSF. Гласањето во парламентот во Братислава на кое истовремено премиерката Ивета Радичова го постави и прашањето за довербата на нејзината влада, бидејќи една од четирите владејачки партии не го поддржува предлогот врзан со EFSF, треба да се одржи во вторник попладне. Најголемиот губитник во вторникот она пазарите беше секторот на базни суровини, кој во просек ослабе за 1,4 отсто, врз основа на загриженоста за растот и приходноста од продажбата по растот на сопственоста на акциите за дури 15,6 отсто во последните четири дена. Со загуби се издвојуваа и производителите на бакар, како што се „Kazakhmys“ и „Xstrata“, кои поради падот на цените на овој метал ослабеа за 2,5 односно за 2,4 отсто.Европската унија го одложи во понеделникот самитот за една седмица, за да добие во време за пошироко решение на грчката должничка криза, откако Атина објави дека ќе ги заклучи преговорите со меѓународните кредитори за исплатата на следната транша од помошта којашто и’ е неопходна за да може да ги сервисира своите долгови и да не прогласи банкрот. Во вторникот попладнето „тројката’’ на доверителите – Европската комисија, Европската централна банка и на Меѓународниот монетарен фонд – соопшти дека Грција најверојатно во почетокот од ноември ќе ја добие редовната транша во висина од 8 милијарди евра.Од поединечните акции, германската воздухопловна компанија „Lufthansa“ загуби на вредноста 3,1 отсто, откако американската банка „Bank of America Merrill Lynch“, и4 го намали кредитниот рејтинг а германските контролори на летањето се закануваат со штрајк. Некои аналитичари сепак останаа оптимисти, велејќи дека словачкото гласање ќе биде афирмативно и дека пазарот едноставно малку слабее по силните добивки од претходните четири дена. По затворањето на пазарите во вторникот, алуминиумската компанија „Alcoa“ ќе ја отвори американската сезона на деловни извештаи за третото тримесечје. Банкарската групација „JPMorgan“ ќе ги објави своите извештаи во втората половина на седмицата. „Во сезоната на извештаите за заработките, фокусот ќе биде ставен на прогнозите и на тоа дали тие ќе ги наведат аналитичарите уште повеќе да ги намалат сопствените прогнози за 2012 година““, вели Џереми Батстон-Кар, стратег во компанијата „Charles Stanley“.Индексот, пак, на токиската берза Nikkei зајакна за 2,0 отсто на 8.773 поени./крај/ро/хи/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
МФ: Јавниот долг на крајот на првиот квартал 58,6% од БДП
Министерството за финансии денеска ги објави податоците за состојбата на јавниот долг заклучно со 31 март 2024 година. Согласно објавените податоци јавниот долг изнесува 8.769 милиони евра што претставува 58,6% од БДП.
„Во првиот квартал се издадени државни хартии од вредност во износ од 219,2 милиони евра, повлечени се средства во износ од 175,5 милион евра по основ на склучени кредитни аранжмани со странски кредитори, како што е повлекувањето на втората транша од ММФ од кредитната линија за претпазливост и ликвидност и 57,6 милиони евра по основ заеми за јавни претпријатија и АД основани од државата и општините, општините во градот Скопје и Градот Скопје. При тоа извршена е и исплата на обврски по основ на главнина за надворешен долг во износ од 82,7 милиони евра“, соопшти МФ.
„Министерството за финансии ја објавува состојбата на јавниот долг на квартално ниво, а при пресметката на јавениот долг во однос на БДП се користени податоци за вредноста на БДП за период 2005 – 2024 година, за 2022 година користен е податок за вредност на БДП објавен на веб страната на Државниот завод за статистика, додека податоците за 2023 се прелиминарни податоци на Државниот завод за статистика, а 2024 година е проектирана вредност на БДП на Министерство за финансии.
Исто така, денеска согласно утврдената динамика, Министерството за финансии ги објави податоците за состојбата на државниот долг кој заклучно со 31 март 2024 година изнесува 7.544 милиони евра што претставува 50,4% од БДП. Состојбата на државниот долг се објавува на месечно ниво.
Министерството за финансии транспарентно ги објавува овие податоци на својата веб-страница. Последниот податок укажува дека јавниот долг е во дефинираните граници со новиот Закон за буџети. Со новиот Закон за буџети е воспоставено правило со кое јавниот долг не треба да надминува 60% од БДП, што е согласно и со Мастришките критериуми. Министерството за финансии останува на определбата за одржување на јавниот долг на стабилно ниво и во рамки на утврдените критериуми“, се додава во соопштението на МФ.
Економија
Забележителен раст на приходите, инвестициите и добивката на Реплек во првиот квартал од 2024 година
Со раст на оперативните приходи од 25%, на обемот на инвестиции и на добивката во првото тримесечје споредено со истиот период минатата година, „Реплек АД“ продолжи со успех да го реализира бизнис планот за 2024 година и својата долгорочна развојна стратегија која се темели на зголемување на продажбата на странските и на домашниот пазар, на иновациите во портфолиото на производи, како и на значителни вложувања во технолошкиот напредок и во развојот и добросостојбата на своите вработени.
Неревидираниот консолидиран финансиски извештај за работењето на Реплек АД во првиот квартал од 2024 година покажува дека во секторот фармација компанијата остварила раст на приходите од 26,9% во однос на истиот период минатата година. Во најголем дел ваквиот раст се должи на растот на приходите од продажба на странските пазари, каде се генерираат дури 80 % од вкупните приходи и кои во овој временски период се зголемени за 23 %, надминувајќи вредност од над пет (5) милиони евра. Позитивно влијание на ваквиот раст на приходите од извоз има отворањето на новиот пазар за производите на „Реплек АД“ во Туркменистан, што се очекува да придонесе за натамошно зголемување на извозните перформанси и резултати на компанијата.
Истовремено со растот на извозот, „Реплек АД“ продолжи да ја јакне и својата позиција на домашниот пазар, каде во Q1 2024 е остварен раст на приходите од продажба од 50 %, во споредба со истиот период лани.
Значителен раст во овој период од годината е забележан и кај инвестициите кои се зголемени приближно за пет и пол пати во однос на првите три месеци од 2023 година.
„Позитивните резултати на стартот на оваа година ни влеваат дополнителна енергија и мотив да продолжиме уште посилно во остварување на целите дефинирани во деловниот план за оваа година и во нашата стратегија за долгорочен одржлив развој. Остануваме посветени на инвестирањето во натамошна технолошка модернизација, како и на иновациите кои треба дополнително да збогатат нашето портфолио на производи, коишто веруваме дека ќе ни овозможат натамошно зајакнување на нашите позиции на домашниот пазар и ќе ни отворат нови можности и перспективи на странските пазари. Паралелно продолжуваме и со вложувањата кои треба да ја гарантираат натамошната добросостојба на нашите вработени. Веруваме дека ваквите напори ќе вродат со плод, ќе придонесат за натамошен раст на компанијата и ќе донесат дополнителна вредност за сите“, изјави главниот извршен директор на „Реплек АД“, Душан Пецовски.
Инаку, растот на приходите од продажба се одрази и на растот на консолидираната добивка пред оданочување на „Реплек АД“, која за првите три месеци од оваа година бележи зголемување за 24 % во однос на истиот период од минатата година.
(ПР текст)
Економија
Финансии побара до крајот на денов да се стави во мирување поскапувањето на осигурувањето на автомобилите при регистрација
Комисијата за осигурување од автомобилска одговорност на денешната седница го разгледа доставениот извештај од Националното биро за осигурување поврзано со зголемените цени по основ на премија за вршење на дејноста на осигурување.
На состанокот Комисијата му укажа на Националното биро за осигурување и на регулаторот Агенцијата за супервизија на осигурувањето во текот на денешниот ден да им предложи на друштвата за осигурување до крајот на денешниот ден да ги стават во мирување одлуките за зголемување на трошоците и да ги вратат на ниво од пред 25 април 2024 година и да ја известат Комисијата во текот на денешниот ден. Ваквото укажување е со цел обезбедување транспарентност и предвидливост на процесите, имајќи предвид дека компаниите ниту поединечно, ниту преку Националното биро за осигурување го немаат известено регулаторот, односно Агенцијата за супервизија на осигурувањето ниту Комисијата дека планираат да ги зголемат трошоците по основ на премијата за вршење на дејноста на осигурување, и на тој начин не е обезбеден инклузивен пристап и кооперативност со сите засегнатите страни при донесување на одлуките.
Комисијата за осигурување од автомобилска одговорност на денешната седница побара од регулаторот, односно Агенцијата за супервизија на осигурувањето, да изготви анализа за оправданоста и исправноста на донесените одлуки од страна на друштвата за осигурување, во насока на заштита на крајните корисници, а со цел обезбедување сеопфатна информација за донесување објективна и транспарентна одлука. Во правец на ова е укажувањето кон регулаторот за ставање во мирување на одлуката за зголемување на цената на трошоците од страна на друштвата за осигурување. Истовремено, побара од друштвата за осигурување преку Националното биро да дадат свој придонес во изготвување на анализата и предлог-заклучоци за промена на Тарифата на премии за осигурување на сопствениците на моторни возила од одговорност за штети предизвикани на трети лица.
На состанокот, Комисијата одлучи во најскоро време по доставување на анализата од регулаторот, односно Агенцијата за супервизија на осигурувањето, да свика седница и да ја разгледа доставената Информација и да донесе соодветни заклучоци.