Македонија
СДСМ:Зошто обвинителството молчи за „Злетовица“
Опозиционата СДСМ денеска изрази сомневање дека обвинителството со тоа што молчи за случајот „Злетовица“, настојува овој случај да застари.
Опозиционата СДСМ денеска изрази сомневање дека обвинителството со тоа што молчи за случајот „Злетовица“, настојува овој случај да застари.„Мегаскандалот со ХС „Злетовица“ е типичен пример за тоа како партизираното судство, наместо да се бори против, е најголем заштитник на криминалот и корупцијата“, изјави потпретседателот на СДСМ Гордан Георгиев.Наведувајќи дека Антикорупциска комисија покрена иницијатива за кривично гонење на поранешниот министер за земјоделство, Георгиев рече дека обвинение се’ уште нема.„Обвинителството си молчи, си чека. Затворен, во нечија фиока, предметот за милионски криминал и корупција кај и да е се очекува да застари“, рече Георгиев.Според него, единствено од премиерот Никола Груевски зависело дали некој во државата е криминалец или не.„Секој актуелен функционер, директен учесник во оваа голема неправда, после 5 јуни ќе мора да се соочи со сопствената одговорност. Во Македонија, правдата мора подеднакво да важи за сите“, изјави Георгиев. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.