Свет
Амбасадорот Хил е оптимист за иднината на Ирак
По шестнаесет месеци минати како амбасадор во Ирак, заминува од функцијата а истовремено и се пензионира од Стејт департментот
Кристофер Хил беше амбасадор во Македонија во времето на косовската криза. Има долгогодишно искуство од Балканот, а вршеше битни функции и во многу други делови на светот, како главен американски преговарач за Северна Кореја, на приме.Во настапот во вашингтонскиот Американски институт за мир на тема „Следното поглавје за Ирак“, Хил ги пренесе впечатоците како е да се живее во строго обезбедената Зелена зона во Багдад. Призна дека во земјата има загриженост поради рокот за повлекување на американските борбени сили на 31-ви август, но е уверен дека Ирак е на вистинскиот пат, кога ќе се направи споредба со состојбата од пред седум години.Целта на натамошната американската заложба во Ирак е транформирање на воената мисија во цивилна, со која ќе ракободат американските дипломати, брифираше Хил. Ова се случува во време на деликатен момент за Ирак, кога се уште не е формирана новата влада, а има пораст на насилството: „Мислам дека е важно за младите во Ирак да сфатат дека тоа е нивна земја и имаат огромна можност да изградат нова држава“, рече Хил. Безбедносната состојба е нестабилна и се наоѓа на незадоволително ниво, но Хил изрази увереност дека ирачките сили ќе бидат ефикасни откако ќе ја преземат одговорноста од американските војници. Некогашниот амбасадор во Македонија во септември ќе ја напушти владината служба по над 30 години минати во неа. Хил ќе биде новиот декан на Катедрата за меѓународни студии на Универзитетот во Денвер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Активистите го обвинија папата Франциско дека не направил доволно за да се искорени сексуалното насилство
Папата Франциско не направи доволно за да се искорени сексуалната злоупотреба од страна на свештенството и прикривањето на овие злосторства, изјавија активисти и жртви на митингот во Рим.
Римокатоличката црква долго време се соочува со обвинувања за сексуална злоупотреба, а овој протест беше организиран пред утрешниот фестивал на Светскиот ден на детето во Ватикан, пренесува Ројтерс.
„Сакаме да ги заштитиме младите луѓе кои присуствуваат на фестивалот“, изјавија дел од организаторите.
Свет
Русите денеска 15 пати го нападнаа Харков, убиени 6 лица
Гувернерот на областа Харков во Украина, Олег Синегубов соопшти дека во напад на руската армија врз тој регион загинале шест лица, а 16 се ранети.
Руската армија употреби ракетни системи С-300 во овие напади, напиша Синегубов на платформата Телеграм како што пренесува Униан, Харков денеска бил цел на 15 пати.
Украинскиот претседател Володимир Зеленски напиша на платформата X дека руските сили го искористуваат недостатокот на украински системи за воздушна одбрана и нејзината способност да уништува ракетни фрлачи во близина на границата.
Зеленски додаде дека тоа не е слабост на Украина, туку на меѓународната заедница „која три години не се осмели да се справи со терористите на начин на кој тие заслужуваат“.
Свет
Песков: Како наследник на СССР, Русија ја задржува својата позиција за независна Палестина
Русија, како наследник на СССР, останува на ставот дека ја признава независноста на Палестина, изјави денеска портпаролот на Кремљ, Дмитриј Песков.
„Гледаме во контекст дека Палестина беше призната како независна држава уште во времето на Советскиот Сојуз. Русија, како наследник на Советскиот Сојуз, ја задржува оваа позиција“, истакна Песков, пренесува ТАСС.
До денес, Палестина е призната од девет земји-членки на ЕУ.
Осум земји – Бугарија, Кипар, Чешка, Унгарија, Малта, Полска, Романија и Словачка – го презедоа овој чекор во 1988 година, пред да влезат во ЕУ, а Шведска во 2014 година.