Регион
Лековите од екстракт од марихуана од јануари во аптеките во Словенија
Уште во јануари следната година во словенечките патеки ќе може легално да се набават канабиноиди, хемиски препарати кој содржат екстракт од марихуана, а кои досега без забранети во Словенија.
Уште во јануари следната година во словенечките патеки ќе може легално да се набават канабиноиди, хемиски препарати кој содржат екстракт од марихуана, а кои досега без забранети во Словенија.
Таканаречената Д дозвола за увоз на тетрахидроканабиноидите (THC) ја добила компанијата „Lenis“ којашто се занимава со увоз на нерегистрирани лекови во Словенија, а осигурила набавка од Германија, пишуваат во средата словенечките медиуми.
Од јануари лековите направени од овие супстанции ќе може да се добијат во аптеките, но оние на коишто таквите препарати им ги олеснуваат симптомите на некои тешки болести, ќе мора да ги плаќаат.
Владата на поранешната премиерка Аленка Братушек кон срединава на годинава издаде нова уредба за листата на забранети дроги од којашто беше изоставен THC, и беше вброен во дрогите чиј промет и користење се дозволени во медицината, ветерината и за педагошки и научно-истражувачки намени.
Со промената на уредбата е овозможено и легално купување на досега забранетите препарати кои содржат екстракт од индискиот коноп, во прв ред маслата од хашиш, кои досега во Словенија можеа да се набават само на илегалниот пазар.
Лековите од екстрактот на конопот во моментов во Словенија се уште не се регистрирани и ќе бидат подготвувани во самите аптеки и како ткн магистрални лекови, а увозникот на канабиноидите тврди дека ќе бидат поевтини од сличните препарати кои може да се добија во аптеките во соседна Австрија./крај/мф/сн
Извор: STA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.