Регион
Најбогатиот пратеник во Албанија тврди дека Мета нарачал негова ликвидација
Најбогатиот пратеник во албанското Собрание, Том Доши објави дека претседателот на Собранието Илир Мета нарачал убијци за негова ликвидација.
Доши, инаку член на Социјалистичката партија, за албанските медиуми изјави дека ова сознание го има пријавено и кај одредени надлежни служби. Според него ликвидацијата е нарачана поради одредени бизнис интереси. Во последно време Доши упати остри критики и на адреса на албанскиот премиер Еди Рама, поради тоа што, според него, добар дел од министрите веќе се корумпирани и не ги извршуваат своите задачи.
По изјавата на Доши, пратеничката група на владејачката Социјалистичка партија го исклучи Доши од партијата, а веднаш потоа амбасадата на САД во Тирана го поздрави исклучувањето на Доши. Медиумите нагласуваат дека САД веќе неколку години имале информации за замешаност на Доши во криминални активности.
Доши, кој е сопственик на повеќе фирми, е еден од најбогатите албански државјани и има завршено Правен факултет на Државниот универзитет во Тетово.
Рама, пак, соопштил дека исклучувањето на Доши е поради тоа што неговите активности биле против одредбите на Статутот на партијата.
Албанските медиуми истакнуваат дека Рама продолжува да ја чисти партијата од оние кои му се спротивставуваат. Истите извори наведуваат дека за само 10 години, од партијата се исклучени 11 видни членови, како што се поранешниот шеф на дипломатијата Кастриот Ислами, потоа поранешниот министер за финансии Арбен Малај итн.
Албанската опозиција побара истрага за случајот Доши и оставка на претседателот на Собранието Илир Мета./крај/мф/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.
Регион
Земјотрес од 4,3 степени утрово во Србија
Утрово земјотрес со јачина од 4,3 степени според Рихтеровата скала е регистриран во регионот на Кладово, соопшти Републичкиот сеизмолошки завод.
Земјотресите со ваков интензитет можат да предизвикаат помали оштетувања на зградите во епицентралното подрачје, јавуваат српските медиуми.
Засега нема извештаи за евентуална штета.