Европа
Руско-европска војна со ‘црни листи’

Претседателот на Европскиот парламент Мартин Шулц најави во вторникот вечерта дека рускиот амбасадор при ЕУ повеќе нема да има пристап во ЕП, како одговор на руската „црна листа“ со која на 89 политички и воени функционери им е забранет влезот во Русија, со што Москва всушност одговори на европскиот список со 151 руски прави и физички субјекти на кои им е забранет влезот во ЕУ и им е замрзнат имотот, а во средата руската страна порача дека ќе мора да одговори на „репресивните одлуки“ на Брисел.
Руската „црна листа“ беше доставена минатата седмица до европските дипломати. На неа се наоѓаат и одреден број европски парламентарци кои отворено ја поддржуваат слабата руска опозиција, го критикуваат претседателот Владимир Путин и наводната руска вмешаност во украинската криза.
„По објавување на црната листа на политичари и европски функционери, претседателот на Европскиот парламент, Мартин Шулц го информираше рускиот амбасадор ЕУ поради што руските власти не успеале транспарентно да ја појаснат својата одлука тој оцени дека е оправдано да реагира со соодветни мерки“, објавија од канцеларијата на претседателот на Европскиот парламент.
Се додава дека Шулц рекол дека неговата институција ќе го ограничи пристапот на рускиот амбасадор во Европската унија, Владимир Чижов, како и на некои други личности од Русија чиј идентитет не е објавен.
Европскиот парламент, исто така, ја суспендираше парламентарната соработката ЕУ – Русија и во институцијата ќе им биде дозволен пристапот на руските пратеници од двата дома само со времени и ограничени пропусници.
Во средата претседателот на комисијата за надворешни работи на Советот на Федерацијата, Константин Косачев побара „соодветна акција“ од страна на Русија, како одговор на „репресивните решенија“ на Европската унија.
„Одговор на сегашните репресивни решенија на Европската унија мора да бидат соодветни дејствија на Русија, симетрични или несиметрично, но сигурно мора да ги има…“, напиша Косачев на својот профил на Facebook.
Според него, тој не е изненаден од „репресијата на ЕУ“, овојпат насочена против руската мисија во ЕУ, како и против руски политичари членови на билатералниот Комитет за парламентарна соработка. „Логиката (на потегот) не импресиониран многу со својата осмисленост, поскоро фрла сомнежи за здравиот разум на неговите автори. Но притоа тој е многу јасен: по секоја цена да се има последниот збор, право да се казнува и да се помилува“, истакнува Косачев за кого Шулц не го почитувал фактот дека руската акција е всушност одговор.
Додава и дека со таа логика се оправдуваат економските санкции на Западот кон Русија, а нејзините против мерки се осудуваат како кршење на пазарната економија и правилата на Светската трговска организација. „Црните листи на ЕУ се справедливи, а руските му противречат на меѓународното право. И тоа е дел од големата игра на Западот, во борбата до смрт за монопол врз ‘вистината’“, заклучува Ксоачев./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Експлодира бензинска пумпа во Рим, неколку повредени, тројца со сериозни изгореници

Неколку лица се повредени, меѓу кои тројца со сериозни изгореници, по експлозија на бензинска пумпа во Рим, јавуваат медиумите.
#Últimahora 🚨 Sentida en #Roma una fuerte explosión originada en un depósito de combustible de #Centocelle. Hay varios heridos.#Rome #Italia #Italypic.twitter.com/DNyPh0Vr7e
— eSPAINews (@eSPAINews_) July 4, 2025
Силна експлозија на дистрибутивна станица за бензин, дизел и течен нафтен гас на Виа деи Гордијани се слушнала во целиот италијански главен град.
Локалниот портал „Рома тудеј“ објави фотографија, на која се гледа огромен облак од чад и пламен над бензинската пумпа.
BREAKING: A powerful explosion struck a fuel depot on Via dei Gordiani in Rome, Italy, injuring multiple people. pic.twitter.com/Aw0EM1dhEW
— Weather Monitor (@WeatherMonitors) July 4, 2025
Агенцијата за јавен превоз во Рим, „Атак“, соопшти дека блиската метро-станица Теано е затворена по наредба на полицијата.
Европа
(Видео) Украинците со дронови нападнаа трафостаница во близина на Москва

Украина изврши напад со беспилотно летало врз областа Сергиев Посад во близина на Москва рано утрово, при што едно лице беше повредено и беше прекинато снабдувањето со електрична енергија во делови од верски значајниот центар, изјави раководителот на областа.
„Ги молам сите да останат смирени, да не се приближуваат до прозорците, да не ја фотографираат работата на воздушната одбрана“, напиша Оксана Јероханова во објава на апликацијата за пораки Телеграм.
Таа рече дека во округот – на околу 75 километри од Кремљ – биле пријавени најмалку четири експлозии и дека е оштетена трафостаница, оставајќи делови од округот без електрична енергија.
Drones strike Russia’s Sergiyev Posad in the Moscow region, with a power station among the damaged targets. pic.twitter.com/H2vVCwddql
— KyivPost (@KyivPost) July 4, 2025
Административниот центар на округот, градот Сергиев Посад, се смета за религиозен центар на Московскиот регион и духовно срце на Руската православна црква.
Руското Министерство за одбрана соопшти на Телеграм дека единиците за воздушна одбрана уништиле 48 украински беспилотни летала над пет руски региони преку ноќ. Министерството, кое известува само за бројот на беспилотни летала што ги уништиле неговите сили, а не за бројот на летала лансирани од Украина, не го наведе Московскиот регион како регион каде што биле соборени беспилотните летала.
Европа
(Видео) „Ова беше една од најлошите ноќи во Киев досега“, вели украинскиот министер за надворешни работи

Украинскиот министер за надворешни работи Андриј Сибиха изјави дека синоќа во Киев било „апсолутно ужасно и бессоно“ и „едно од најлошите досега“, откако Русија започна масовен, повеќечасовен ракетен и напад со дронови, врз украинската престолнина.
„Стотици руски дронови и балистички ракети паѓаа врз Киев“, објави Сибиха на платформата Икс.
Absolutely horrible and sleepless night in Kyiv. One of the worst so far.
Hundreds of Russian drones and ballistic missiles rained down on the Ukrainian capital.
Right after Putin spoke with President Trump. And he does it on purpose.
Enough of waiting! Putin clearly shows… pic.twitter.com/R0mlfUgJRx
— Andrii Sybiha 🇺🇦 (@andrii_sybiha) July 4, 2025
Тој додаде дека нападот бил извршен веднаш откако рускиот претседател Владимир Путин разговарал со американскиот претседател Доналд Трамп, заклучувајќи: „И тој го прави тоа намерно“.
„Доста чекање. На Москва мора веднаш да ѝ се воведат најстрогите можни санкции“, рече тој. Сибиха ја повика меѓународната заедница да престане да чека и решително да реагира.
„Путин јасно покажува целосно непочитување кон САД и сите оние кои повикаа на крај на војната. На Москва мора веднаш да ѝ се воведат најстрогите можни санкции. На Украина мора да ѝ се дадат сите потребни средства за нејзина одбрана“, рече тој.
Тој, исто така, предупреди дека одлуките што одложуваат можат само да го охрабрат агресорот да продолжи со теророт, заклучувајќи: „Секој криминален режим во светот сега внимателно ги следи потезите и реакциите на Путин на нив. Ако се извлече со ова, пораката ќе им биде јасна на сите. Престанете да чекате мир. Дејствувајте за да го постигнете. Мир преку сила“.
Киев синоќа беше под интензивно гранатирање со часови. Руските сили нападнаа најмалку 13 локации во градот, а според градоначалникот Виталиј Кличко, повредени се најмалку 19 лица, од кои 14 се хоспитализирани.