Компании
Новата Škoda Fabia освои максимални пет ѕвезди на Euro NCAP тестот
Новата Škoda Fabia освои максимални пет ѕвезди на Euro NCAP тестот. Извонредните резултати ја истакнуваат врвната безбедноста на новиот автомобил од ŠKODA кој во Македонија ќе биде претставен на почетокот на 2015 година.
Резултатите од Euro NCAP тестотвите се однесуваат на заштита на патниците, заштита на пешаците и безбедносни системи за помош на возачот.
“Една од целите при развојот на новата Škoda Fabia беше да се испорача највисоко ниво безбедносни перформанси во сегментот”, изјави Френк Велш член на одборот за технички развој во ŠKODA. “Максималните пет ѕвезди, доделени од независните експерти во областа, се потврда дека ние ја остваривме целта и се доказ дека новата Škoda Fabia е еден од најбезбедните мали автомобили”, додаде Велш.
Новата Škoda Fabia ги освои максималните пет ѕвездички во сите четири области (заштита на возрасните патниците, безбедност на децата, системи за безбедност и заштита на пешаците).
Експертите од Euro NCAPособено ја истакнаа сигурноста на патничкиот простор. Заштитата на 18 месечни деца кај новата Škoda Fabia го освои максималниот број на поени, а заштитата на 3 годишни деца исто така доби високи оценки.
Новата Škoda Fabia го доби максималниот број на поени благодарение на иновативните безбедносни системи, кои претходно беа резервирани и имплементирани кај возилата од повисоките сегменти. Систем за сопирање во итни случаи во градски услови доаѓа како опција и за прв пат се вградува кај Škoda Fabia. Овој систем користи радарски сензор кој постојано го мери растојанието од автомобилот до возилата кои се наоѓаат пред него. Секогаш кога растојанието ќе се намали под дозволеното, системот самостојно интервенира најпрво со предупредување, а потоа со автоматско итно стопирање. Покрај овој систем кај новата Škoda Fabia дебитира и системот за сопирање во случај на повеќе кратен судир (Multi-Collision Brake) кое е дел од електронската контрола на стабилноста (ESC) и стандардно се вградува во автомобилот. Системот го намалува ризикот возилото да биде дел од подоцнежен судир.
Дополнително, како опција кај новата Škoda Fabia, за првпат е достапен и детекторот на замор. Во автомобилот се вградуваат и други безбедносни системи како на пример: систем за ограничување на брзината, Auto Hold и системот за мерење на притисокот во пневматиците.
Новата Škoda Fabia во целост совршено е подредена на севкупниот безбедносен пакет кој обезбедува најдобра можна заштита во случај на судир. До шест воздушни перничиња се вградуваат (предни странични и воздушни завеси) кои во комбинација со петте сигурносни појаси ги заштитуваат патниците во случај на судир. Високата крутост на каросеријата и специфично оптимизираните зони на деформирање градат основа за високата пасивна безбедност.
Euro NCAP (Европска програма за испитување на безбедноста на новите автомобили) е независен конзорциум на европските министерства за транспорт, автомобилски клубови, осигурителни компании и здруженија на потрошувачи. Организацијата спроведува тестови за безбедност со новите автомобили и ја оценува нивната безбедност. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
„Алкалоид“ чекор понапред кон целосна дигитализација
Компанијата „Алкалоид“ започна со имплементирање на софтверската платформа AlkaLIMS, која има цел да изврши целосна интеграција на сите лабораториски процеси во компанијата, централизирано управување со податоците и со процесите, нивна следливост поврзана со контрола на производите, регулаторна усогласеност и стимулација за континуирано подобрување.
„Алкалоид“ започна процес на целосна интеграција на сите свои лабораториски процеси во рамките на сегментот ПЦ Фармација, преку имплементирање на современата софтверска платформа AlkaLIMS (Laboratory Information Management System). Спроведувањето на овој нов проект значи интегрирање на сите лабораториски процеси, вклучувајќи ја секоја процесна фаза – од земање примерок до издавање сертификат за анализа на производ во рамките на една дигитална платформа.
AlkaLIMS како софтверско решение се имплементира со цел значително унапредување на повеќе аспекти од лабораториското работење во рамките на Контрола на квалитет, Истражување и развој и Технички опeрации за произвoдство, меѓу кои: зголемување на ефикасноста и на продуктивноста; унапредување на регулаторната усогласеност, на можностите за обезбедување интегритет и следливост на податоците и на процесите поврзани со контрола на производите; централизирано управување со податоци; интеграција на севкупната аналитичка опрема во една платформа; намалување на оперативните трошоци и стимулација на процесите за континуирано подобрување.
Како напредно и отворено софтверско решение, AlkaLIMS нуди можност за тековно надградување со нови модули, во согласност со потребите на компанијата. Партнерска компанија на „Алкалоид“ во овој проект е светски реномираната корпорација LabWare од Соединетите Американски Држави.
AlkaLIMS е од стратешко значење во Профитниот центар Фармација, но и значајна референција во амбициозната агенда на „Алкалоид“ за целосна дигитална трансформација. Kако глобална и иновативна компанија, „Алкалоид“ континуирано ги следи светските достигнувања во развојот на фармацевтската индустрија, а приспособливоста и искористувањето на иновативните технологии се важен императив во насока на унапредување и на усовршување на сите аспекти во работењето.
(ПР)
Економија
Возилата Грин Машинс на БРАКО на саем во САД
На саем во САД, БРАКО ги изложи своите електрични возилата за чистење Грин Машинс, претставувајќи ги пред претставници на локалните власти и специјализирани комунални претпријатија од сите сојузни држави на настан во Атланта, Џорџија.
Станува забор за најпознатиот саем за комунални работи во САД „Public Works Expo “, кој беше посетен од одговорните лица за комунални прашања од стотици американски градови.
Еколошките и технолошки напредни возила за одржување на хигиена во урбани средини од брендот Грин Машинс, кои се произведуваат во македонската фабрика Брако, предизвикаа голем интерес поради нивниот модерен дизајн, ефикасноста и ефективноста што ја покажуваат при чистењето, економичноста и еколошките карактеристики.
На саемот беа изложени електричните модели 500 ZE и 400 ZE, како и унапредениот дизел модел 636, кои се најпродавани модели во палетата и се користат во повеќе од 60 земји на сите континенти во светот.
Возилата Грин Машинс се продаваат на американскиот континент преку фирмата-ќерка на Грин Машинс во Калифорнија и преку застапништвото во Мексико.
На саемот за комунални работи PWX 2024, кој е во организација на Американската Асоцијација за комунални работи, учествуваа околу 500 изложувачи, меѓу кои и најпознатите светски брендови во сферата на одржувањето хигиена во урбани средини со возила на класичен, електричен и водороден погон, а велешки БРАКО произведува модели на сите три погони.
(ПР)
Економија
„А1 Македонија“ прославува со своите корисници: 50 проценти роденденски попуст за 5 години „А1“
А1 Македонија, телекомуникациска компанија членка на Групацијата А1, ја прославува својата петта година од претставувањето на брендот на македонскиот пазар. Компанијата е горда на своите достигнувања во минатите пет години исполнети со иновативни дигитални решенија, богато конвергентно портфолио, најатрактивни понуди и воведување нови технологии и содржини со кои ја овозможува дигитализацијата на целото општество.
„Лидерската позиција на пазарот и довербата на корисниците во изминативе 5 години се доказ за нашата посветена работа и континуираното инвестирање во премиум корисничко искуство. Изградивме најмодерна мобилна и оптичка мрежа, ги усовршивме сите наши производи и услуги, вложивме во нови најнапредни технологии, во атрактивни содржини, сè со цел да ги поврземе нашите корисници и да овозможиме да ги споделуваат најважните моменти во животот“, изјави Методија Мирчев, главен извршен директор на А1 Македонија.
Големото А1 семејство надминува милион корисници на мобилни и фиксни услуги, што претставува потврда за довербата во поглед на достапноста и квалитетот на услугите на компанијата.
„Задоволните корисници се нашиот секојдневен поттик за постојано да се подобруваме и да растеме. Затоа, продолжуваме со уште посилно темпо и понатаму да обезбедуваме најдобри понуди, супериорна корисничка услуга и врвни технологии. Сигурни сме дека сето ова ќе донесе уште повеќе вредност, многу повеќе комуникација и поврзаност. Kако и секогаш, најважните моменти ги славиме сите заедно и денес ја почнуваме роденденската кампања ‘Животот е прекрасен со тебе’, со која внесуваме позитивна енергија во светот околу нас и многу придобивки за нашите корисници“, изјави Мирчев.
Како дел од кампањата „Животот е прекрасен со тебе“ А1 воведува атрактивна понуда, со која сите нови и постојни приватни постпејд корисници што ќе направат обнова на својот договор, добиваат ексклузивна можност за 50 % попуст за нов паметен уред. Со А1 Net M + TV M и две мобилни линии A1 Ultra M имаат можност да го добијат извонредниот iPhone 15 5G 128GB за месечна рата од 999 денари. Додека, пак, сите нови и постојни бизнис-корисници со А1 Net Business Pro M и две мобилни линии А1 Business Pro М добиваат 50 % попуст за нов паметен уред SAMSUNG Galaxy S24 5G 8/128GB, со 287 денари месечна рата.
Повеќе информации можете да најдете на www.a1.mk