Црна хроника
Таткото на прегазената студентка: Некој друг возел, него го штити „јак“ човек
Таткото на студентката од Крива Паланка која во април беше прегазена на булеварот „Партизански одреди’, кај Универзална сала во центарот на Скопје, се сомневаат дека возачот што сам се пријави, ја возел „хондата“ и се убедени дека некој друг бил зад воланот, некој кој го штити некој „јак човек во државава“.
Родителите на дваесетгодишната Фросина Цековска во петокот се во обвинителството каде ги читале исказите на сведоците на несреќата и ги гледале снимките од камерите кои снимале за време на несреќата. И по пет месеци сé уште истрагата е во тек и нема поднесено обвинение за сообраќајната несреќа.Според таткото на девојката, Љупчо Цековски папиларните линии од отпечатоците на воланот не се совпаѓале со папиларните линии на отпечатоците на дваесет ишестгодишниот скопјанец кој сам се пријави дека ја предизвикал несреќата.„Истрагата е насочена против лицето кое се пријавило, но има јаки сомнежи. Недостигот од папиларни линии, бришење на воланот, наоѓање разни отпечатоци на седиштата. Не се совпаѓаат папиларните линии на воланот со папиларните линии на убиецот. Сто отсто друг е“, рече Цековски во изјава за медиумите.Тој е незадоволен што убиецот, како што го нарекува лицето кое ја предизвикало сообраќајната несреќа во којашто загина неговата ќерка, сé уште е на слобода, но вели дека кој и да е „ќе го најдат и ќе одговара“. Во обвинителството им велеле „дека била таква процедурата“ и снимките и доказите доцнеле многу, па затоа истрагата одела бавно. Досега ги изгледале снимките од камерите кои го снимале местото каде загинала девојката, а во текот на денов требало да ги прегледаат и снимките коишто треба да покажат дали возачот минал, на зелено или на црвено.Несреќата се случи на почетокот на април. Автомобил „хонда“ со голема брзина удрил во студентката која ја минувала улицата кај Универзалната сала и ја усмртил на лице место. Возачот веднаш избега од местото на несреќата, но по дваесетина минути сам се пријави во полициската станица во Ѓорче Петров каде што раскажал што се случило.На слобода е и возачот што го прегази тинејџерот кај Католичка црква. На 30-ти септември закажано е судењето за оваа сообраќајка што се случи во ноември минатата година, во којашто исто, со огромна брзина беше прегазено шеснаесетгодишно момче. Во четвртокот, пак, скопјанецот кој ја прегази новинарката Сузана Тодоровска-Павлоска кај трговскиот центар „Зебра“ беше осуден на пет години затвор./крај/мф/ффс
Извор: Фото:архива
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.
Црна хроника
Приведен скопјанец: се заканувал со ловечка пушка
Утрово во 01.20 часот во село Богомила, општина Чашка, полициски службеници од Полициското одделение Чашка го лишиле од слобода Ѓ.Ѓ.(36) од Скопје, постапувајќи по претходна пријава од Н.Д.(37) од село Богомила.
Ѓ.Ѓ. пред објект во селото со ловечка пушка му се заканил нему и на С.С., М.Д., Б.Ј., Т.Д., П.Б. и Д.Ѓ..
Бил задржан во полициска станица, а известен бил и јавен обвинител и по документирање на настанот протв него ќе биде поднесена соодветна пријава, соопшти полицијата.
Црна хроника
Кривична за директорот на ЈП „Пазари“ Битола: склучил договор за јавна набавка со фирма избришана од Централниот регистар
Одделот за криминалистичка полиција, по наредба од Основното јавно обвинителство Битола презема предистражни дејствија и во координација со СВР Битола поднесе кривична пријава против Б.К. од Скопје поради постоење основи на сомнение за сторено кривично дело „злоупотреба на постапката за јавен повик, доделување на договор за јавнa набавкa или јавно-приватно партнерство“ по член 275-в од Кривичниот законик и против В.А. од Битола поради постоење основи на сомнение за сторено кривично дело „несовесно работење во службата“ по член 353-в од Кривичниот законик. Имено, првопријавениот Б.К., во својство на управител на правно лице од Битола, на 19.12.2019 со неизвршување на обврските од склучен договор за јавна набавка на стоки за проектирање, набавка и монтажа на фотоволтаични панели за производство на електрична енергија со ЈП „Пазари“ Битола нанел штета на претпријатието. Тој дал гаранција за поставените фотоволтаични панели во рок од 25 години, иако знаел и бил свесен дека во предвидениот рок од една година од основањето на друштвото не го внел основачкиот влог на своето друштво согласно чл.186 ст.5 од Законот за трговски друштва поради што истото согласно чл.552-а и чл.552-б од истиот закон било избришано од Централниот регистар. Исто така, Б.К. знаел дека не можел да гарантира за изведените работи, со што постапил спротивно на дадената изјава за сериозност на понудата.
Второпријавениот В.А., во својство на директор на ЈП „Пазари“ Битола со пропуштање на должен надзор во вршењето на своите овластувања и должности, не извршил надзор кој бил должен да го изврши над носителот на набавката дали е активен субјект или не, со што не постапил согласно одредбите од склучениот договор за јавна набавка и не го раскинал. Исто така, В.А. постапил спротивно на чл.101 ст.7 од Законот за јавни набавки и не објавил негативна референца на електронскиот систем на јавни набавки на Бирото за јавни набавки. На тој начин В.А. му овозможил на првопријавениот да се стекне со противправна имотна корист како право да не биде исклучен од идните постапки за јавни набавки во период од шест месеци од денот на евентуалното објавување на негативната референца, а воедно и по доставена фактура одобрил и извршил плаќање кон првопријавениот односно кон неговото правно лице во вкупен износ од 1 298 000 денари со што го оштетил буџетот на ЈП „Пазари“ Битола.