Судечкиот судија за случајот „Фаланга” Зоран Димитриевски повеќе од два часа образложуваше од кои докази судскиот совет донесе одлука групата обвинети за случајот да ги осуди на затврски казни.

Судечкиот судија за случајот „Фаланга” Зоран Димитриевски повеќе од два часа образложуваше од кои докази судскиот совет донесе одлука групата обвинети за случајот да ги осуди на затврски казни. Најголемата казна ја доби Бобан Лападатовиќ од седум години затвор, бидејќи е организатор на групата која ископувала и продавала арехолошки предмети. Останатите добија од една до пет години затвор за организрање, прикривање, продавање на археолошки предмети, оригинали или фалсификати кои ги купувале странски колеционери.

Првпат во историјата на македонското судство обвинетите, адвокати, новинари и јавност можеа да слушнат детална анализа и презентација на доказите во кои се и посебните истражни мерки и транскрипти од телефонски разговори, смс пораки, скајп разговори и снимен видео материјал.

„Презентацијата ќе ја започнеме од онаму каде што вие во завршен збор запревте. Запревте пред фактите пред кои и боговите молчат”, рече судијата Димитриевски, пред да ја започне анализата.

Судот образложи дека во текот на судскиот процес обвинетите тврделе дека сé што им било запленето било сувенири, од дедо и баба или ископано на нива. Некои од нив признале дека поседувале архелошки материјали, но дека нивното чување било корисно дело за државата Македонија. Еден од обвинетите признал се, но  според судот,  за да ја намали својата одговорност.

Судијата Димитриевски пред присутните со презентација на фотографии и читање на снимени телефонски разговори во најситни детали откри кој со кого всушност бил поврзан во „Фалангата”. Откри дека неколкумина кои тврделе дека не се познаваат, кога се виделе на снимениот видео материјал, ја смениле одбраната и ,сепак, признале дека се познаваат.

На само две седмици пред апсењето обвинетиот Миодраг Готиќ кој е осуден на шест години затвор, како дел од организирањето на криминалната мрежа е снимен како вели „ќе работиме само со нешто добро, или со добар фалсификат”, е само мал дел од транскриптите во предметот. Сега осудените се снимени како договараат средби и нудат предмети на луге кои потоа во судскиот процес се всушност заштитените сведоци.

Во текот на снимањето биле регистрирани и вакви разговори кои се дел од серијалот разговори за договарање околу копање и нудење археолошки предмети:  „Сите работат нешто а ти спиеш како бебе”, на што одговорот е „што да правам кај, нас веќе сé е извадено“.

Во излагањето судот се осврна и на тоа дека сручни лица и од фотографија може да препознаат оригинален предмети. Вакво тврдење кажал сведок на одбраната, која пак жестоко во текот судскиот процес реагираше на сведочењето на Паско Кузман кој како најпознат археолог во Македонија потврди дека предметите што ги видел на слика биле оригинали.

Од сите осудени само Лападатовиќ останува во притвор, иако е со лошо здравје, но сепак судот појасни дека постои опасност да побегне, па затоа само тој е и во притвор. Сите други се пуштени со гаранции да се бранат од слобода. Пресудата не е конечна, адвокатите најавија жалба до Апелациониот суд во Скопје./ крај/км