Скопје
Жерновски секоја прва среда во месецот ќе има средби со инвеститорите
Градоначалникот на општина Центар, Андреј Жерновски во петокот најави дека секоја прва среда во месецот ќе има редовна комуникација со инвеститорите кои работат со општината.
На средбите, инвеститорите ќе го запознаат градоначалникот со реалните проблеми кои ги мачат во комуникацијата со општинската администрација.
Со ова ќе се забрза процедурата на вадење документи и целата постапка околу отпочнување со градба, што е взаемен интерес и на општината и на инвеститорите.
Првата средба предвидено е да се одржи на 01.10.2014(среда) од 12 до 14 часот во кабинетот на градоначалникот Жерновски.
Ова е нова комуникација и остварување на транспарентноста на општината. Секоја последна среда во месецот се одржуваат средби на Жерновски и неговиот тим со граѓаните, а редовно се оди на директни средби во населбите во Центар, се вели во соопшението./крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Посебен режим на сообраќај во Скопје
Во официјална посета на Република Северна Македонија ќе присуствува Претседателката на Парламентот на Р. Албанија, г-ѓа Елиса Спиропали.
Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот по сообраќајниците на поширокото централно подрачје на Град Скопје.
СВР Скопје апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.
Скопје
Герасимовски: Поставивме 720 фотоволтаични панели на покривот на ООУ „Киро Глигоров“
Основното училиште „Киро Глигоров“ е вториот објект во Општина Центар кој доби фотоволтаични панели на покривот. На кровната површина се поставени 720 панели со максимална инсталирана моќност од 396,00 Kw (киловати) за производство на електрична енергија. Нивниот приклучок се очекува наскоро, а градоначалникот на Општина Центар Горан Герасимовски информира дека целиот процес за набавка и инсталирање на фотоволтаичната централа е од општинскиот буџет и е во висина од 7.3 милиони денари.
„Според истражувањата на пазарот, за реализирање на оваа инвестиција од општинскиот буџет првично планиравме 18 милиони денари, ама на Јавната аукција цената се симна на 7.3 милиони денари. Со поставувањето на оваа фотоволтаична централа ние очекуваме значително да се намалат вкупните трошоци за електрична енергија, што нам како локална самоуправа ќе ни овозможи да вложиме повеќе средства во одржување на високиот квалитет на услугите за образование на децата, потенцира Герасимовски.
Минатата година Општина Центар по само неколку месеци од основањето на трговското друштво за производство и продажба на „Енергија Центар“ ја постави првата фотоволтаична централа на кровот на градинката „Пепелашка“.
Скопје
Без струја дел од Кисела Вода
Од ЕВН Македонија АД известуваат дека денеска без електрична енергија ќе остане дел од општина Кисела Вода.
Во периодот од 08.00 до 14.00 часот, струја ќе немаат корисниците од Драчево, улица Чучевска, улица Китка (општина Кисела Вода).