Македонија
Почина 25-годишен пациент од свински грип во Скопје
Почина 25-годишниот пациент, кој во многу тешка состојба беше донесен на Клиниката за инфективни болести на 28 ноември. Уште четворица пациенти се на респиратор
„Починатиот пациент навреме е пратен на Клиниката. Во последното деноноќие на Клиниката се прегледани 34 пациенти со симптоми на новиот грип од кои 13 се хоспитализирани. Кај 50 отсто од нив има влошување на основната постоечка болест што ја имаат, а тоа е хронична опструктивна белодробна болест која бара кислородна поддршка“, изјави доктор Жаклина Шопова од Клиниката за инфективни болести. Таа посочи дека моментно четворица се наоѓаат на респиратор и имаат засегање на респираторниот систем. На респиратор, рече таа, се двајца мажи на возраст од 28 и 55 години и две жени со 32 и 51 година.„Апелирам до сите граѓани да ги следат сите упатства дадени од Министерството за здравство и ако имаат симптом кој не е адекватен од она кое е назначено за симптоми на грип, ќе треба да се упатат кај својот матичен лекар кој ќе ги испрати до сооветна институција“, додаде Шопова.Претседателот на Комисијата за пандемски грип Јованка Костовска вели дека според податоците на Институтот за јавно здравје, клинички за грип за минатата недела пријавени се 2.770, но бројот е многу поголем бидејќи има многу лица кои се лекуваат дома.
Само минатата недела хоспитализирани 140 лица„Претходната недела во Македонија беа хоспитализирани 140 лица во инфективните одделенија. Во моментот на Клиника за инфективни болести во Скопје се хоспитализирани 113 лица, во Воена болница 24 лица, на Детска клиника 74 лица и на Институтот за белодробни заболувања Козле околу 40 лица“, вели Костовска.
До сега вакцинирани се 1.540 лица од кои 800 се здравствени работници, а 740 се од ризичните групи. Од овие 740 вакцинирани најголемиот број се од Скопје. Во текот на викендот се вакцинирани 200 лица, а само денеска до 12 часот околу 60.
„Во вакцинацијата за ризичните групи предничат големите градови и освен Скопје тоа се Битола, Велес, Куманово. Во однос на вакцинацијата на деца многу е помал нивниот број, пет до 10 деца се вакцинирани. Најголемиот број вакцинирани се лица над 60-годишна возраст, а останатите се од 30 до 60-годишна возраст. Досега немаме пријавено ниедна несакана реакција од вакцинираните. Луѓето се свесни дека треба да се вакцинираат и очекувам дека наредните денови ќе биде поголем одзивот“, рече Костовска.Таа упати апел до населението да се вакцинира, бидејќи, како што појасни, тоа е единствена мерка во моментов што може да ги заштити од грипот посебно ризичните групи бидејќи вакцините се наменети за нив. Нема податоци за вакцинирани бремени жени.
При пандемија ќе се затворат училиштата„Ако навистина има епидемиолошка состојба со голем број заболени, можно е Комисијата за пандемски грип да одлучи распустот за учениците да започне од Нова година со Божиќните празници и понатаму. Многу е битно дали тогаш ќе биде пикот, дали треба понатаму да биде подолг распуст или токму пред Нова година. Ќе ја следиме состојбата, се уште е рано до 20 и 25 декември за таква одлука. Ќе ја следиме состојбата и во градинките“, истакна Костовска.
Поголеми капацитети во болниците
Според Костовска, Воената болница се проширува со дополнителни одделнија и можеби од утре веќе ќе почне да функционира со кадар од останатите клиники во државата.
„Простор и опрема има и со дополнителен кадар од останатите клиники, таму може таму да се згрижуваат и возрасни лица. Во оперативнот план е зацртано и ако тоа не е доволно ќе се ослободат дополнитлени клиники- може да биде пулмологија, реуматологија, кожно-венерични итн. и сите оние што не е неопходно да се лекуваат во болница во тој момент да се испуштат во домашни сулови за да се пренаменат тие оддели за лекување на заболени од грип, додаде Костовска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Џафери: Северна Македонија, европска земја со европски вредности и стандарди за сите граѓани
Претседателот на Владата на Република Северна Македонија, денеска присуствуваше и се обрати на гала настанот со кој се одбележува отворањето на новата музичка сцена во Тетово, односно, основањето на најновата институција на Албанците, Националната установа Музички ансамбл на Република Северна Македонија – Тетово.
Основањето на оваа установа претставува реализација на долгогодишното барање на кадрите кои откако ќе завршеа факултет по музика, немаа каде да го продолжат својот професионален пат. Сега, во рамките на оваа установа во која ќе се негува и развива вокалната и инструменталната сериозна музика, како и популарната и џез музика, ќе можат да го негуваат и усовршуваат својот талент и својата пасија сите љубители на овој жанр, соопшти Владата.
Премиерот Џафери имаше свое поздравно обраќање на настанот и притоа, истакна дека „оваа национална културна институција ќе го збогати културниот живот во Тетово, меѓутоа и во земјата“.
Меѓу другото, пЏафери информираше за одлуката на владината седница на предлог на Министерството за култура со која на оваа установа и се доделуваат на трајно користење простории кои се сега во државна сопственост, и додаде дека – „со основањето на Музичкиот ансамбл, придонесуваме кон подобрувањето на демократската рамноправност во нашата заедничка држава, Република Северна Македонија и во оваа област од општествениот живот“.
Македонија
Лукаревска од Кочани: Сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат
“На 8 мај само вие, со моќта на вашиот глас одлучувате во каква држава ќе живееме сите, ве повикувам на масовен одзив на двојните избори, на активно учество во креирањето на сопствената иднина бидејќи во демократијата најчесто гласовите на оние кои не излегуваат на гласање го одредуваат победникот. На дофат ни е членството во Европската унија, не дозволувајте да не тргнат од тој пат, алтернативата на тој пат е погубна за Македонија. И сакале некои или не, СДСМ ќе биде запишан во историјата како организирана политичка сила која ја врати слободата и ја врати државата на вистинскиот пат и да не забораваме дека секогаш најтешките битки ги водел СДСМ, од осамостојувањето до денес, рече вечерва во Кочани Сања Лукаревска, носителка на листа на СДСМ и Коалицијата за европска иднина во третата изборна единица.
СДСМ е одговорна, граѓанска, државотворна партија. Секогаш сме тука и за државата и за граѓаните и во добро и во лошо, тоа е патриотизам, како што е патриотизам да ја преземете одговорноста за тешките одлуки во тешки времиња, рече Лукаревска.
“ Немам намера да ги покривам или минимизирам нашите пропусти, не ги сокриваме под тепих и не ги подметнуваме на друг и никогаш не сме дозволиле државата да биде на коленици, никогаш. И во оваа изборна програма наш приоритет над приоритетите е стабилна, безбедна, сигурна и просперитетна Македонија чии граѓани ќе имаат предвидлива, спокојна иднина. Следете нè, не се откажуваме, тргнавме по патот на трпението, пат без насилство, со разум, со работа и дијалог до богата држава со задоволни граѓани и затоа на 8 мај, заедно, за број 1 и во Кочани и во третата изборна единица и во целата држава”.
Македонија
Ковачевски: СДСМ е обединета и силна партија, секогаш на браникот на татковината
Претседателот на Социјалдемократскиот Сојуз, Димитар Ковачевски, на вечерашниот митинг во Кочани им порача на присутните дека СДСМ е силна партија, која секогаш била на браникот на татковината, подготвена да се бори за граѓаните и иднината на државата.
„Оваа партија, на чело со Киро Глигоров, ја внесе Македонија во Обединетите нации. Со СДСМ, Македонија во 2005 стана земја – кандидат за членство во ЕУ. СДСМ, заедно со вас граѓаните го сруши режимот на ВМРО, режим кој 11 години ја блокираше нашата европска иднина. СДСМ и граѓаните се заслужни што Македонија стана рамноправна членка на НАТО, а СДСМ и коалиционите партнери се исто така единствено заслужни што Македонија пред 2 години ги започна преговорите со ЕУ. Сите овие беа тешки, но правилни одлуки за Македонија. Не се откажавме ни тогаш и нема да се откажеме и сега“, изјави Ковачевски.
Ковачевски вели дека тоа биле тешки, но правилни одлуки за Македонија и дека и сега како и тогаш, нема да се откажат од визијата за европска Македонија, со европски животен стандард, почитување на европските вредности и европските правила на игра.
„ Не се откажавме и во изминатите неколку години, за време на тешка здравствена, енергетска и економска криза, не ги оставивме граѓаните на цедило во ниту еден момент. Ниту еднаш. И покрај кризите ги зголемивме платите двојно, а пензиите за над 50%, ги заштитивме работните места, заштитивме 80.000 работни места во 20.000 компании во кои вие работите, обезбедивме 2,6 милијарди евра за антикризни мерки и ги заштитивме најранливите групи на граѓани. Не се откажуваме од Македонија во ЕУ! За тоа говори и тоа што нашиот план за европска Македонија е преточен во конкретна и остварлива програма“, вели Ковачевски.
Ковачевски додава и дека ќе работат на зголемување на платите и пензиите, на создавање на поволности на младите, но и дека планирааат рекордна помош за земјоделците, во висина од 1.35 милијарди евра.
„ Но има една работа која ја знаете и вие ја знам и јас а тоа е дека мора да има конечна и одлучна борба против злоупотребите, неправдите и системската корупција од која не можеме да кренеме глава повеќе од 30 години. И од тоа нема да отстапиме Или ќе воведеме ред, еднаквост и правда за секој подеднакво, без разлика дали е премиер, министер, пратеник, директор или обичен граѓанин. Или тоа или нема да нè биде! СДСМ е современа, прогресивна партија и единствена политичка сила која вистински може да ја однесе Македонија во Европската Унија“, порачува Ковачевски и додава дека Македонија мора да чекори по европскиот пат, затоа што тоа единствениот начин за суштински промени во државата.