Регион
Рама се извини поради каменувањето на автобусот
Албанскиот премиер Еди Рама се извини поради каменувањето на автобусот кој ја пренесуваше српската фудбалска федерација и апелираше да победи пристојноста, пренесоа локалните медиуми.
Рама извинувањето го упати за време на разговорот со група студенти од Србија и српскиот министер за образование Срѓан Вербиќ.
„Познато е дека на натпревари некогаш и соседите се обидуваат да си ги извадат очите. Важно е да победи Албанија, министерот Вербиќ ќе рече важно е Србија да победи, но најважно е да победи пристојноста која ја претставуваме заедно“, рече Рама.
Изразувајќи жалење што едно момче од 14-15 години со камен го гаѓаше автобусот на српската репрезентација, Рама оцени дека тоа е доказ колку уште мора да се работи со оглед на тоа дека „старата генерација во себе носи омраза кон промените и ги доведува во опасност сништата за нов свет со национализам и дух на омраза“.
Рама ги прими српските студенти во зградата на албанската зграда велејќи дека тоа е центарот за покренување на дијалог, кој сведочи за историјата и владеењето, но и за уметноста и културата и дека еден дел секогаш и е достапен на јавноста.
Албанскиот премиер се заблагодари на податоците кои ги доби од групата студенти од Србија.
Предвидено е групата од 60 српски студенти да присуствуваат на вечерашниот натпревар Албанија-Србија, кој се игра во Елбасан. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Колони возила со српско знаме во Белград и Косовска Митровица за поддршка на Вучиќ
Колони возила со српски знамиња крстосуваат по улиците на Белград, по усвојувањето на резолуцијата за Сребреница.
View this post on Instagram
Во центарот на северниот дел на Косовска Митровица вечерва се возеле колони возила со српски знамиња во знак на поддршка за српскиот претседател Александар Вучиќ и неговата борба во Генералното собрание на ОН.
Генералното собрание на ОН денеска усвои резолуција со која 11 јули се прогласува за Меѓународен ден на сеќавање на геноцидот во Сребреница и се осудува негирањето на геноцидот и глорификацијата на воените злосторници.
Претставници на 84 земји гласаа за усвојување на Резолуцијата за Меѓународниот ден на сеќавање и сеќавање на геноцидот во Сребреница на пленарниот состанок на Генералното собрание на ОН.
Имаше 19 против и 68 воздржани. Против резолуцијата гласаа Русија, Унгарија, Белорусија, Кина, Коморите, Антигва, Сирија, Куба, Конго, Јужна Кореја, Доминика, Еритреја, Есватини, Гренада, Мали, Науру, Никарагва, Сао Томе и Принципе и Србија.
Регион
Вучиќ: Горд сум што имав можност да го бранам правото на мала земја, покажавме како се бори за Србија
Претседателот на Србија, Александар Вучиќ, денеска изјави дека е горд бидејќи имал можност да го брани правото на една мала земја пред Генералното собрание на Обединетите нации (ОНГА) и јавно и гласно да зборува против оние кои се многу моќни.
Тој додаде дека смета дека резолуцијата, кога е во прашање легитимноста, пропаднала.
„Кога станува збор за вашата голема победа или големата победа на оние кои гласаа за неа, не би имал што друго да додадам. Само сакам да кажам дека тие луѓе кои сакаа да го стигматизираат српскиот народ не успеаја и никогаш нема да успеат, сакаа да ни стават белег на челото и не успеаја“, изјави Вучиќ.
Против резолуцијата гласаа Русија, Унгарија, Белорусија, Кина, Коморите, Антигва, Сирија, Куба, Конго, Јужна Кореја, Доминика, Еритреја, Есватини, Гренада, Мали, Науру, Никарагва, Сао Томе и Принципе и Србија.
Регион
Додик: Според демократските принципи, резолуцијата за Сребреница пропадна
Претседателот на Република Српска Милорад Додик изјави дека, што се однесува до демократскиот свет и она што нè учат, резолуцијата за Сребреница денеска не доби мнозинство во Генералното собрание на ОН и таа пропадна.
„На гласањето видовме дека за резолуцијата гласаа 84 земји, што не е ниту огромно мнозинство“, нагласи Додик.
Повтори дека Владата на Република Српска го покренала прашањето за мирно одвојување од Федерацијата Босна и Херцеговина, бидејќи, како што истакна, нема причина после ова да останат и да живеат заедно во Босна и Херцеговина.