Регион
Притвор за српски опозиционер поради закани
На членот на опозициска Демократска партија (ДС), Горан Икрашев од Нови САД, во неделата му е одреден 30-дневен притвор, поради сомневање дека упатувал смртни закани на челникот на ДС и претседател на владата на автономната покраина Војводина, Бојан Пајтиќ.
Српскиот министер за надворешни работи Небојша Стефановиќ во петокот соопшти дека полицијата го идентификувала лицето осомничено за испишување на графитите „Смрт за Пајтиќ“ во Нови Сад и заканите упатени кон челникот на војводинските демократи Бојан Пајтиќ, истакнувајќи дека станува збор за 37-годишно лице, коешто според лично тврдење, е член на ДС од 1997 година.
Горан Икрашев истиот ден е приведен и задржан во полициска станица 48 часови, а во неделата му е одреден притвор во траење од 30 дена. Соопштението на министерот Стефановиќ, инаку член на владејачката Српска напредна партија (СНС), на вонредната прес-конференција поттикна вистинска војна со соопштенија и меѓусебни обвинувања меѓу двете партии, па овој случај доби во прв ред политичка конотација.
Иако Стефановиќ истакна дека „полицијата нема да дозволи никому во Србија да му бидат упатувани закани“ и дека никој „не може да биде над законот“, од ДС ја обвинија СНС дека ги злоупотребува државните институции во рамките на кампањата што ја води против владата на Пајтиќ во Војводина./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.