Грција ја разгледува можноста за прогласување на Турција за сигурна земја, што би ѝ овозможило таму да ги враќа барателите на азил кои пристигнуваат на нејзината територија од турските брегови, а таа опција ја предвидела Европската унија, изјавил за AFP во четвртокот грчки владин извор.

„Сé уште не е донесена никаква одлука, меѓутоа таа се разгледува“, рекол неименуваниот извор.

„Грција врз основа на меѓународното право може да ја донесе споменатата одлука еднострано, меѓутоа во практиката потребна е соработка од Турција и преземање на лицата кои бараат азил кои дошле од нејзина територија“, додаде овој извор.

Грчкиот министер за внатрешни работи Панајотис Курублис ја објави ваквата намера по средбата во Атина со францускиот и германскиот колега, Бернар Казнев односно Томас де Мезиер., која беше насочена на средствата за намалување на приливот бегалци и имигранти во Европската унија.

Прашањето може да е поврзано со одлуката НАТО да започне операција во Егејското Море и таму да го сузбива приливот на имигранти кои тргнуваат од турското крајбрежје. Грчкиот министер за одбрана Панос Каменос изјави во четвртокот пред заминувањето од Брисел дека таквата одлука значи дека силите на НАТО распоредени во Егејското Море и на крајбрежната линија на Турција ќе гарантираат дека сите запрени мигранти ќе заминат директно во Турција.

Таа одредба може да се примени само на лицата кои се затекнати во турските територијални вод, додека за оние кои ќе бидат откриени во грчките води мора да биде покрената процедура за одредување на статусот барател на азил или имигрант на кој му се заканува враќање./крај/мф/сн

Извор: AFP