Свет
Стотици граѓани измамени на квадрат
Нотарот Боривој Стојкоски заверувал договори со кои ист стан им е продаден на две различни лица
Нотарот Боривој Стојкоски заверувал договори со кои ист стан им е продаден на две различни лица
Измамените станари на осум скопски згради што уплатиле станови преку фирмата „ФИ-КОМ“ завчера направија списоци според кои треба да се утврди кој е вистински сопственик на становите и на деловните простории. Станарите неодамна се собраа пред седиштето на фирмата за да увидат до каде е изградбата на становите за кои дел од нив уплатиле уште пред четири години. Тогаш им било кажано дека изградбата на станбената зграда ќе трае две години. Но, покрај пробиениот рок, на собирот станарите утврдиле и дека фирмата „ФИ-КОМ“ им продавала исти станови на повеќе сопственици. Тие соопштија дека дури еден ист нотар ја заверил продажбата на ист стан на двајца сопственици. Станарите завчера покажаа две нотарски заверки од нотарот Боривој Стојкоски за стан на улицата Јане Сандански, со кои истиот стан им е продаден на две различни лица.
Измамените станари побараа од газдата на „ФИ-КОМ“, Никола Николиќ, или да ги догради становите или да им ги врати парите.
Николиќ не одговори на нивните барања бидејќи бил на службен пат. Но, според неофицијални информации, Николиќ избегал од државава и се наоѓа во Владичин Хан, Србија, каде што живеат неговите родители. Нашите извори тврдат дека за изградбата на становите ФИ-КОМ користела хипотекарни кредити и дека тие не се редовно плаќани. Тоа практично значи дека постои можност становите да бидат запленети во случај банката да се одлучи да ја активира хипотеката.
Неодамна од фирмата „ФИ-КОМ“ се жалеа и други граѓани, кои се вселија во становите во Кисела Вода, но не успеаја да добијат имотни листови.
(А.Д.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во поплавите во Бразил загинаа осум лица, а 21 се исчезнати
Осум лица загинаа, а 21 се водат како исчезнати во поплавите предизвикани од обилните дождови во државата Рио Гранде до Сул во јужен Бразил.
Над 1.400 жители се раселени поради невремето што доведе до пораст на нивото на водата и поплави во 104 општини, пренесува Ројтерс.
Гувернерот Едуардо Леите изјави дека државата работи на пронаоѓање на исчезнати лица и за обезбедување на безбедноста на оние во загрозените области.
Свет
Лидерот на ИСИС убиен во операција во пограничниот регион на Мали
Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер.
Неутрализацијата на терористичкиот функционер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали.
Во соопштението се потсетува дека лидер на ИСИС учествувал во нападот на Нигер во 2017 година, што резултираше со убиство на четири американски Зелени беретки и четворица нигериски војници, вклучително и еден преведувач.
Свет
Евакуирани туристи во Кенија поради поплави, 170 загинати од март
Туристи беа евакуирани од десетици хотели, апартмани и кампови откако пукнаа браните во Националниот резерват Масаи Мара поради поплавите во кои загинаа повеќе од 170 луѓе низ Кенија од почетокот на сезоната на дождови во средината на март.
Црвениот крст на Кенија соопшти дека спасил 61 лице од резерватот, кој е популарна туристичка дестинација за годишната миграција на диви пчели од Серенгети во Танзанија, пренесува Асошиетед прес.
Метеоролошкиот оддел на Кенија предупреди дека ќе очекуваат нови дождови оваа недела, откако во понеделникот пукна брана во градот Маи Махи во округот Накуру, при што загинаа 48 луѓе, а над 80 се водат како исчезнати.