Европа
Берлускони ја продава вилата за ‘бунга бунга’ забави
Поранешниот италијански премиер, милијардерот Силвио Берлускони, ја продава својата раскошна вила на Сардинија, а минатата седмица неа ја разгледувал и саудискиот принц Мохамед бин Најеф.
Вилата Чертоза е со имот кој се протегаат на 120 хектари на сардинискиот Смарагден брег. Имотот се продава со вештачкиот вулкан кој еруптира по желба, има и амфитеатар и подводна спила во која може да впловат бротчиња.
„Принцот Мохамед бин Најеф ја разгледа вилата, но тоа засега е се. Уште нема никакви понуди“, изјавил извор запознаен со продажбата на имотот на Силвио Берлускони.
Миланскиот дневен весник Corriere della Sera минатата седмица објави дека вилата на Берлускони, која стана симбол на екстравагантноста на поранешниот премиер кога уште беше активен во политиката, се продава за 500 милиони евра.
Во вилата престојувал и рускиот претседател Владимир Путин, а во летото 2002 година наводно таму летувале и неговите две ќерки. Поранешниот британски премиер Тони Блер, исто така, еднаш таму летувал со сопругата Чери..
Но во 2009 година шпанскиот дневен весник El Pais објави фотографии на поранешниот чешки премиер Мирек Тополанек како гол стои покрај еден од повеќето базени. Со тоа беа разгорени претходните шпекулации дека во оваа вила се одржувале раскалашени забави на европската политичка елита со млади девојки кои за тоа добивале надоместок. Берлускони, исто така, претходно тужеше италијански магазин кој објави фотографија на која тој е окружен со повеќе разголени девојки.
Според Corriere della Sera, иако имотот и вилата ги разгледувал принцот бин Најеф, всушност за нејзиното купување е заинтересиран саудискиот крал Салман.
Кралот Салман, инаку, на почетокот од август ненадејно демонстративно го прекина својот планиран тринеделен одмор во францускиот Азурен брег на имотот во Валори Голф-Жуан, во близина на Кан, откако 150.000 тамошни жители потпишаа петиција во која изразија незадоволство од затворањето на јавната плажа и ограниченото движење пред вилата во која престојуваше./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.