Германската канцеларка Ангела Меркел во телефонскиот разговор во понеделникот му ја честитала изборната победа на турскиот премиер Ахмет Давутоглу и го повикала на итно заедничко дејствување во врска со мигрантската криза, додека Белата куќа изразила „длабока загриженост“ поради изложеноста на притисоци медиумите и новинарите во текот на кампањата.

Исламско-конзервативната Партија на правдата и развојот (AKP) чиј формален челник е премиерот Ахмет Давутоглу, но вистински лидер е претседателот Реџеп Тајип Ердоган кој е и нејзин основач, и покрај резултатите од анкетите во неделата на вонредните парламентарни избори успеа да оствари уверлива победа и да го врати апсолутното мнозинството во парламентот, коешто првпат до 2002 година го загуби на изборите на 7-ми јуни. Според коментаторите, ваквиот исход од неделните избори дополнително ја зацврстуваат позицијата на претседателот Ердоган, кому западните сојузници често му префрлуваат за автократски стил на владеење. Штефан Зајберт, портпаролот на германската канцеларка, за новинарите изјави дека Ангела Меркел го поздравила фактот дека изборите минале мирно и дека Ахмет Давутоглу во победничкиот говор ветил дека сака да биде надмината поларизацијата и тензијата во турското општество.„Германската канцеларка и турскиот премиер се согласија дека мора да продолжи билатералниот дијалог за неопходноста од намалувањето на приливот на бегалците и дека мора да резултира со брзо постигнување конкретни договори“, изјави Зајберт.Белата куќа во понеделникот, пак, изрази длабока загриженост поради фактот дека медиумите и новинарите биле изложени на притисоци во текот на предизборната кампања.Во заднина на информациите за притисоци врз новинарите со цел да се ослаби политичката опозиција, портпаролот на администрацијата на американскиот претседател Џош Ернест на редовниот брифинг во Белата куќа изјави дека американските ги повикуваат турските власти да се придржуваат до вредностите истакнати во уставот на земјата.Организацијата за безбедност и соработка во Европа (ОБСЕ), чии претставници ги набљудуваат изборите во Турција, изрази во понеделникот „сериозна загриженост“, тврдејќи дека „јакнењето на  насилството“ во текот на кампањата, особено на југоистокот на земјата, „оневозможило некои од кандидатите да спроведат слободна кампања“.„Физичките напади врз членови на партиите и значителните безбедносни пропусти, особено на југоистокот, влијаеја врз текот на предизборната кампања“, напиша во изјавата за медиумите во понеделникот, шефот на набљудувачката мисија на ОБСЕ на турските избори, Санчез Амор.Истакна, исто така, дека голема причина за загриженост претставува притисокот кој бил вршен врз новинарите, вклучително и полицискиот упад во просториите на медиумската групација „Koza-Ipek“. „За жал, кампањата за овие избори ја одбележаа нечесни постапки и, донекаде, стравот“, изјави шефот на делегацијата на Парламентарното собрание на Советот на Европа, Андреас Грос./крај/мф/сн

Извор: Reuters/AFP