Европа
Камерон: Понекогаш е подобро да се има ‘помалку Европа’
Европската унија и во некои аспекти од прашањата како функционираат нејзините членки мора да игра помалку нагласена улога и во полза на националните парламенти, изјави во вторникот британскиот премиер Дејвид Камерон и истакна дека „одговорот на секој проблем не е секогаш повеќе туку помалку Европа“.
„Немојте за заборавите дека Европската унија сега брои 28 древни нации на Европа. Токму таа разноликост е најголемата сила на Европа. Британија порачува: да го славиме тој факт, да признаеме дека одговорот на секој проблем не е секогаш повеќе Европа. Понекогаш тоа е помалку Европа“, изјави британскиот премиер Дејвид Камерон изложувајќи ги својот план на реформи ЕУ пред референдумот за останување во Унијата кој би се одржал до крајот на 2017 година.
Камерон, исто така, рече дека Велика Британија, нема да бара право на вето со кое би ги блокирала законите на ЕУ, но смета дека ЕУ би требало да им дозволи на националните парламенти да ги отфрлат некои закони коишто ги смеат дека им се спротиставени.
„Не предлагаме вето за секој национален парламент. Признаваме дека во Европа со 28 земји тоа би значело застој. Меѓутоа, ние сакаме да видиме ново уредување во коешто групите на националните парламенти ќе се соберат и ќе отфрлат европски закони кои ни се во нивниот национален интерес“, појасни Камерон.
Изрази решително противење на „сé потесната Унија“ и кажа дека со европските челници има намера да преговори „јасен, правно обврзувачки договор во кој Велика Британија би била ослободена од обврската да ради на сé потесна Унија“.
Британскиот премиер бата и поголема контрола по прашањето на миграцијата од земјите на ЕУ и смета дека правото на слободното движење на работниците не би смееле да се однесува на новите европски членки сé додека нивните економии не ѝ се приближат на британската.
Во врска со безбедноста, пак, тврди дека неговата земја се соочува со нови закани и опасности. „Воопшто не се сомневам дека за Велика Британија европското прашање не е само економско, туку и прашање од националната безбедност“, изјави Камерон.
Говорејќи за единствениот пазар и конкурентноста, рече дека сите предлози, ветувања и договори за заеднички пазар, трговија, укинување на уредните и прописите, мора да се обединат во јасна и единствена обврска која налага „конкурентноста да ја впишеме во ДНК-та на целата Европска унија“.
Камерон изрази надеж дека во декември на самитот на челниците на ЕУ ќе дојде до напредок во преговорите околу реформите на Унијата. Британскиот премиер, исто така, рече дека во врска со воспоставувањето нови односи во ЕУ, а пред одржувањето на референдумот, сака да стори сé што е можно за да се „започне со промените“.
„Од изборите во мај, стрпливо се состанувам со европските лидери ширум континентот. Но, колку и да сум трпелив и сакам целата работа да се покрене, ќе бидам и истраен“, порача Камерон кој во вторникот на своите колеги им го упати писмото во коешто се наведени неговите главни цели во врска со реформите на 28-члената Европска унија./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.