Регион
Црногорски министер убеден дека му се подготвува сексуална афера
Црногорскиот министер за внатрешни работи, Рашко Коњевиќ изјавил дека „одредени полицајци, заедно со криминалните структури и медиумите, подготвуваат негова професионална и лична дискредитација“, пренесуваат црногорските медиуми.
Коњевиќ ова го соопштил во средата на вонредна конференција организирана по повод апсењето на инспекторот за борба против организиран криминал, Ѓоко Голубовиќ. Инспекторот бил уапсен бидејќи во една од неговите службени белешки пишувало дека Коњевиќ користел услуги од проститутки.
Претходно министер за внатрешни работи поднел пријава до специјалниот обвинител Миливое Катниќ поради сознанието дека „едно или повеќе лица, веројатно на организиран начин, направиле два службени записи во кои се наведува дека едно женско лице било уапсено неодамна во Будва, поради сомневање дека посредувала во проституција и соопштила дека Коњевиќ бил нејзин корисник „на услуги во долг временски период“.
Коњевиќ таквите наводи ги отфрлил како „гнасна лага“ и соопштил дека го известил специјалниот обвинител дека женското лице кое било уапсено од Будва ги негирало наводите од спорните белешки и објаснила „како дошло до тие записи“.
„По спроведените работи од страна на специјалното обвинителство, јасно е дека делови од организираниот криминал и нивни краци во полицијата и медиумите подготвуваат моја медиумска дискредитација“, оценил министерот за внатрешни работи. Тој изразил уверување дека „сите одговорни во ранецот ќе бидат санкционирани“.
Од Обвинителството тврдат дека спорниот документ е невистинит, додека уапсениот инспектор Голубовиќ рекол дека го напишал „само она што му го кажала една од осомничените“ во акцијата за спречување на елитната проституција. Голубовиќ исто така побарал и полиграфско испрашување./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Регион
Силен земјотрес во Грција
Земјотрес со јачина од 4,6 степени според Рихтеровата скала ја погоди јужна Грција, објави ЕМСЦ.
Земјотресот е регистриран на 44 километри од Пиргос, на длабочина од 20 километри.
Во близина е островот Закинтос.
Засега нема информации за повредени или материјална штета.
#Earthquake (#σεισμός) confirmed by seismic data.⚠Preliminary info: M4.6 || 41 km S of #Pýrgos (#Greece) || 3 min ago (local time 15:18:15). Follow the thread for the updates👇 pic.twitter.com/7n5aGlNhsu
— EMSC (@LastQuake) September 28, 2024
Регион
(Видео) Невреме во Словенија: по обилните дождови се излеа река, поплавени патишта, подруми и ниви
Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта, подруми и ниви, јавија денеска словенечките медиуми.
Противпожарните служби евакуирале 30 лица откако одрон го блокирал патот во градот Лепена, јавува агенцијата СТА.
Едно лице е повредено при отстранување на паднато дрво во општина Толмин.
Дирекцијата за цивилна заштита и помош при катастрофи соопшти дека пожарникарите цела ноќ ја испумпувале водата од подрумите и ги отстранувале паднатите дрвја од коловозите.
Во западните делови на земјата врнежите се ослабени од четвртокот навечер, а невремето денеска го зафати и источниот дел на Словенија.
Најголемо количество врнежи се регистрирани во Бохињ и Посочје, објави порталот Метеоинфо.
Рекордни врнежи за Словенија се забележани во Вогел кај езерото Бохињ, при што за 24 часа наврнале 378 литри дожд на метар квадратен.