Црна хроника
Ја снимале за да ја уценуваат, таа не се сеќава што правела со двајца мажи
Двајца ресенчани киднапирале нивна сограѓанка, потоа ја снимале и ја уценувале дека ако не им даде 2.000 евра снимката ќе му ја покажат на сопругот и на деверот.
Двајцата насилници минатиот месец ја пресретнале жената во близина на нејзиното работно место и со закана за безбедноста на нејзините деца, ја натерале да влезе во нивниот автомобил.Жената влегла, ја однеле на непознато место и според нејзиниот исказ, таа не се чувствувала добро и не се сеќава што се случувало.По две недели од инцидентот, еден од насилниците отишол на работното место на жената и и покажал видео снимка од неа во возилото и и рекол дека ќе му ја покаже на нејзиниот маж и девер, а потоа ќе ја постави на интернет ако не им даде 2.000 евра.Оштетената обезбедила заем и во два наврата на првопријавениот му исплатила по 1.000 евра. Неколку дена потоа повторно дошол насилникот со уште едно непознато лице и на оштетената и кажал дека треба да обезбеди уште 2.000 евра. Жената го пријавила случајот во полиција пред четири дена и против насилниците е поднесена кривична пријава за уцена./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.