Европа
Аврамопулос: Ова е критичен момент, во прашање се единството на ЕУ и човечки животи
Ова е критичен критичен состанок, бидејќи во прашање се доведени единството на Европската унија и човечки животи, изјави по доаѓањето на состанокот на министрите за внатрешни работи на земјите членки на ЕУ во Брисел, еврокомесарот за миграции Димитрис Аврамопулос.
„Ова е критичен момент, критичен состанок. Изминатите месеци донесовме заеднички одлуки и сега е време за дејствување. Поединечните иницијативи не водат никаде. Сега на коцка се ставени единството на Европската унија и човечките животи. Се надевам дека министрите денеска со единство ќе одговорат на моите апели. Ова е момент на голема одговорност“, изјави комесарот на ЕУ за миграции, Димитрис Аврамопулос.
Додаде дека времето не е на страната на земјите членки и оти има уште десетина денови до 7-ми март кога ќе се одржи самитот ЕУ-Турција.
Министрите за внатрешни работи на земјите членки на ЕУ во четвртокот во Брисел го започнаа состанокот на кој расправаат за шенгенскиот простор и за мигрантската криза, особено за ситуацијата по должината на ткн западнобалканска мигрантска рута.
Во средата, пак, во австриската престолнина Виена се сретнаа шефовите на дипломатиите на деветте земји на ткн балканска рута, вклучително и македонскиот министер за надворешни работи Никола Попоски, без грчкиот министер што предизвика многу критики во Атина.
Пред министерскиот состанок на работен појадок се сретнаа министрите или претставници на ресорите за внатрешни работи на Македонија, Австрија, Германија, Грција, Словенија, Србија и Хрватска.
Откако Австрија воведе рестриктивни мерки за влегување на бегалците на нејзина територија, нејзиниот пример го следеа сите земји кои се наоѓаа јужно на оваа мигрантска рута. „Изолираните иницијативи не водат никаде“, повтори во својот коментар Аврамопулос.
Откако македонските власти го забранија влегувањето на мигранти од Авганистан од Грција, откако, пак, претходно српските власти не ги примија да минат на српска територија, па повеќе стотици Авганистанци останаа во прифатниот центар Табановце на северната македонска граница, а Германија започна со депортирање на Авганистанците со образложение дека некои делови од земјата се сигурни и не се под воена опасност, во Грција започна да се задржуваат сé поголем број имигранти.
Поради тоа, грчкиот премиер Алексис Ципрас се закани дека на следниот самит ќе ја блокира секоја одлука, доколку неговата земја биде препуштена на самата себеси во мигрантската криза, и покрај апелите Грција да стори повеќе во контролата на приливот на бегалците од Турција./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.