Европа
Асанж добил ‘низок удар’ од Оланд во врска со неговиот азил
Основачот на интернет ресурсот за обелоденување на политички скандали WikiLeaks, Австралиецот Џулијан Асанж во интервју за магазинот Society изјави дека бил изневерен од францускиот претседател Франсоа Оланд кога откажал да му даде азил.
Според Австралиецот, преговорите со коишто на Џулијан Асанж требало да му биде одобрен престој и азил во Франција, со претседателот Франсоа Оланд, се воделе директно меѓу двајцата нив преку адвокат, пренесува AFP. Асанж тврди дека првично францускиот претседател го уверил во позитивна одлука, и истовремено се прашува што влијаело врз Оланд да го смени ставот.
„Во извесна смисла неговиот (конечен) став претставуваше ‘низок удар’. Можеби, тој сакаше да се покаже силен, но не пред Французите, туку пред САД и Велика Британија, кои бараа да им биде лојален. Тоа можеше да се стори јавно отфрлајќи го барањето“, вели Асанж.
Елисејската палата во петокот одбила да ги коментира за агенцијата изјавите на Австралиецот.
Шведска во август најави дека се надева дека до крајот на годинава ќе постигне договор со Еквадор за правно содејство, коишто ќе им овозможи на шведските обвинители да го сослушаат Асанж во врска со двете обвиненија против него подигнати во врска со сексуално злоставување и силување, за кои тој тврди дека се монтирани случаи поради неговите политички активности.
Асанж од 2012 година се крие во амбасадата на Еквадор во Лондон, каде што од еквадорските власти побара политички азил поради страв дека шведските власти ќе го екстрадираат во САД каде што би можел да биде суден за објавувањето на стотиците доверливи документи за војните во Ирак и во Авганистан, како и тајните дописи на американската дипломатија со непријатни белешки за многу светски државници.
Во јули годинава Џулијан Асанж преку страниците на парискиот дневен весник Le Monde му се обрати на францускиот претседател Франсоа Оланд со барање да му овозможи стекнување политички азил, но Елисејската палата тогаш негираше дека примила такво барање./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.