Европа
Руската опозиција му одаде почест на Немцов
Илјадници луѓе се собраа во саботата во центарот на руската престолнина Москва на првата годишнина од убиството на рускиот опозициски политичар Борис Немцов.
Според опозициската телевизија Дожд, во Москва се собрале околу 20.000 приврзаници на руската опозиција, додека според министерството за внатрешни работи на рускиот мегалополис, биле присутни 7.500 луѓе.
Собирот во Москва и во други поголеми градови во Русија беа по повод годишнината од убиството на опозицискиот политичар Борис Немцов, поранешен заменик премиер и министер, кој подоцна беше жесток критичар на претседателот Владимир Путин.
Според опозицијата, убиен е поради тоа што имал намера да објави документи за руската вмешаност со војната во Украина. Но бодејќи е со еврејско потекло, и имајќи предвид дека уапсените за неговата ликвидација се од исламско потекло од Чеченија, има шпекулации и дека бил убиен бидејќи јавно ги бранел објавените карикатури на пророкот Мухамед во францускиот сатиричен весник, кој беше цел на терористички напад.
Поворката ја организираше Партијата на народната слобода, на Немцов, позната под акронимот ПАРНАС. „Никогаш нема да заборавиме, ниту ќе простиме“, беше паролата на собирот.
Московската колона беше некогашниот премиер во владата на Путин, Михаил Касјанов, кој годинава се бори за челничкото место во ПАРНАС. „Тука сме да му одадеме чест на големиот човек кој сонуваше за демократска Русија“, изјавија за западните медиуми учесници на собирот.
Московските власти го одобрија собирот подалеку од мостот во областа на Кремљ на кој Немцов беше застрелан додека околу полноќ се шетал со неговата двојно помлада девојка од Украина.
На крајот од 2015 година, руските истражители го открија осомничениот како нарачател атентатот врз Борис Немцов. Станува збор за Руслан Мухудинов, поранешен офицер во полицискиот баталјон „Север“, кој се товари како нарачател и организатор на убиството, и по кого од ноември 2015 година е распишана меѓународна потерница.
Истрагата утврдила дека Мухудинов со фалсификуван пасош избегал од Русија и оти во моментов се наоѓа во Обединетите Арапски Емирати, а сомневањата за неговата инволвираност во убиството на опозицискиот политичар се темелат на изјави од сведоци и експертиза.
Адвокатите на осомничениот, пак, тврдат дека името на Мухудинов не се споменува во ниедна од изјавите на притворените за убиството на Немцов. Тие појаснуваат дека некои од обвинетите изјавиле дека во убиството е вмешано извесно лице кого го именувале како „Русик“, но оти во документацијата не е наведено ниту името, ниту презимето на Мухудинов, како и дека подоцна тие ги негирале тие изјави. Меѓутоа, според истрагата доказите против Мухудинов ги дале осомничените извршители на убиството Заур Дадаев и браќата Губашеви. За сите тројца подоцна обвинението беше повлечено./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.