Европа
Дронови летаа над препознатливи места во Париз
Најмалку пет дронови биле забалежани како ги надлетуваат познатите места на Париз во вторник ноќта, а полицијата не била во можност да одреди од каде доаѓа командата над нив.
Првиот забележан дрон летал над американската амбасада во Париз. Ајфеловата кула, плоштадот Конкорд и Музејот на воените ветрани се дел од надлетуваните места.
Сите летови биле забележани во периодот од полноќ до 6 часот утрото во вторникот.
„Може да е координирана акција, но засега не знаеме“, вели извор, кој не сака да биде идентификуван. „Се обидовме но не можевме да откриеме од каде се командувани“, вели друг извор близок до истрагата.
Овој инцидент е последен во низата на мистериозни појави на дронови во Франција, но до синоќа никогаш немало толку многу надлетувања за една вечер.
Портпаролот на американската амбасада не сакал да ја коментира ситуацијата, затоа што амбасадата не давала никакви интервјуа во моментот.
Порано годинава беа забележани надлетувања на Елисејската плата, како и десетици над нуклеарните постројки.
Кристофер Нуден, експерт за воздушна безбедност за The Local вели дека дроновите над Елисејската палата најверојатно се управувани од некој „што сака да има убави фотографии“, но додава дека во иднина целта нема да биде толку наивна.
„Ова без сомнение почнува да претстаува опасност. Еден ден дроновите нема да летаат само за да направат фотографии од Франсоа Оланд и неговата убава девојка Жули Гавет“, велуи Нуден. „Еден ден тие ќе се користат за нешто многу поопасно“.
За дроновите кои ги надлетуваат нуклеарните централи Нудин вели дека зад нив стојат професионалци.
„Овие дронови вредат до 30.000 долари и може од голема далечина да се управува со нив, а некои работат и на автопилот. Ова не се дронови кои ги користат аматери за фотографии, тие се управувани од вистински професионалци“, додава Нуден.
Францускиот закон забранува малите цивилни дронови да летаат над нуклеарни централи, кои се заштитени со таканаречени нелетачки зони во радиус од 2.5 километри, и висина од 1.000 метри./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.