Најголемата словенечка опозициска партија побара во средата од владата јасно да се изјасни по прашањето на словенечките и европските државјани кои на страната на терористичката Исламска држава (IS) се борат во Сирија, како и за потенцијалните безбедносни закани за Словенија, тврдејќи дека нивната земја е главен коридор за екстремните исламисти од Европа.

„Словенија претставува главен коридор на патот на исламските екстремисти од Виена кон Босна и Херцеговина и натаму кон Сирија“, изјави на прес-конференција во Љубљана Жан Махнич, пратеник на Словенечката демократска партија (SDS) којашто ја води поранешниот премиер Јанез Јанша, додавајќи дека полицијата и безбедносните служби би требало да го спречат регрутирањето на Словенците за заминување во Сирија, и преминувањето на странските екстремисти.„Неофицијално се зборува дека екстремистите и нивните келии кај нас имаат закупено станови во кои исламистите преспиваат на пат кон Сирија“, изјави Махнич, додавајќи дека според некои информации во Словенија се врши и регрутирање на борци.Додаде дека „заобиколувачките“ наводи на словенечката полиција кој по откривањето на неколку словенечки државјани кои престојувале во Сирија појасни дека не може кривично да ги годни, бидејќи учеството во странските војски според сегашните закони не е казниво.Прогонот против нив е можен и по сегашниот кривичен законик во неговиот дел кој се однесува на тероризмот, а и неодамнешната резолуција на ОН зборува за обврската на државите членки да се спречува регрутирање на странски борци во Сирија, истакна Махнич.Словенската демократска партија (SDS) повторно во врска со тоа протестираше и кај премиерот Миро Церар затоа што за актуелното прашање на исламскиот тероризам и регрутирањето борци за Сирија не расправа надлежната комисија за контрола на тајните и безбедносните служби.Церар, пак, изјави дека таа комисија не може да биде формирана сѐ додека SDS инсистира член на таа чувствителна комисија да биде поранешниот премиер Јанез Јанша кој правосилно е осуден и е на извршување на затворска казна поради корупциската афера „Патрија“ при набавка на оклопни возила за словенечката армија./крај/мф/сн

Извор: STA