Тринаесет вработени во Општина Центар во понеделник добија сертификати за учество во обуката за имплементирање на КАФ – Европски стандарди за квалитет во работењето или заедничка рамка на самооценување. 

Во присуство на британскиот амбасадор во Македонија, Чарлс Гарет и модераторот на проектот Неда Малевска Сачмароска, градоначалникот на Општината Андреј Жерновски им ги додели сертификатите на вработените. 

Од Општината информираат дека во текот на изминатите шест месеци се правени самоооценки, кои области треба да се подобрат. 

Иницијативата за овој проект е на британската амбасада, а во неа до сега учествуваа само уште две општини од Македонија, но воведување на КАФ стандардот од 1-ви јануари ќе биде задолжителна законска обврска за сите општини.

Процесот беше воден од модератори од Центарот за управување со промени. 

„Со воведување на Европскиот стандард за квалитет во работењето, Општината се приклучува кон европските напори, темелени на проверени практики за воспоставување квалитет на јавната администрација и модернизација на јавните службите“, се вели во соопштението на Општина Центар.крај/мф