Свет
Работниците кои прават iPhone се преуморни за да јадат
Организцијата за заштита на човекови права со седиште во САД, соопшти дека открила снимки од ужасни работни услови во кинеските фабрики за производство на електронски направи, меѓу кои и за паметните телефони кои сите ги сакаме.
Според новото истражување на организацијата Institute for Global Labour and Human Rights (Институт за глобална работа и човекови права), работниците во фабриката Zhen Ding Technology Holding во Шенжен во Кина работат по 65 часа неделно, а поради умор им се случува да спаваат на шперплочите во фабриката каде ги малтретираат обезбедувачите.
Работата е толку напорна и тие се толку уморни, што некои се одлучуваат да ја преспијат паузата за ручек, место да јадат.
Меѓу другото, во фабриката со 15.000 работници се произведуваат и делови за iPhone и iPad на Apple.
„Производните цели секојдневно се зголемуваат, секој ден имаме сé повеќе работа“, сведочи еден вработен за извештајот.
Портпаролот на Apple за Хафингтон пост вели дека компанијата е запознаена со проблемите во фариката и дека тоа го покажала ланската ревизија на работењето. Од Apple сами се увериле дека во кинеската фабрика се крие евиденцијата за прекувремена работа со цел парите наменети за работниците да завршат во џебот на неколкумина раководители.
Според Apple, тоа е еден од најсериозните прекршоци на кодексот до кој нивните бизнис партнери, односно фабриките кои работат за нив, мора да се придржуваат./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Градоначалникот на Чилпасинго убиен шест дена по преземањето на функцијата во Мексико
Алехандро Аркос, градоначалникот на Чилпансинго, главниот град на мексиканската држава Гереро, е убиен во неделата, помалку од една недела по преземањето на функцијата, потврди гувернерот на државата.
Аркос е убиен само шест дена откако станал градоначалник на Чилпанцинго во југозападно Мексико, град со околу 280.000 жители, пренесува Ројтерс.
„Поради неговото убиство, целата заедница на државата Гереро тагува и не исполнува со гнев“, рече гувернерката на таа држава Евелин Салгадо во изјавата споделена на социјалните мрежи.
Свет
Западноафриканските земји најавуваат подобра жетва, но какаото и чоколадото нема да поевтинат
Клучните производители на какао во Западна Африка, Гана и Брегот на Слоновата Коска најавуваат дека бербата на плодовите од какаото ќе биде поуспешна од претходните сезони, но дека е извесно дека тоа нема да ја намали цената на чоколадото на светските берзи.
Временските услови се подобри, а локалните производители добија пестициди за контрола на какао болестите и очекуваат приносите да бидат значително повисоки од минатата година, пренесува Блумберг.
Бербата започнува веќе во октомври.
Свет
Тони Блер: Бомбардирањето на НАТО беше правилно, стојам со народот на Косово
Поранешниот премиер на Велика Британија, Тони Блер, во Приштина истакна дека „интервенцијата на НАТО пред 25 години била вистинската работа“ и дека „застанува со граѓаните на Косово“.
„Да се биде овде, буди длабоки емоции. Му честитам на народот на Косово за храброста и непоколебливата решителност да ја искористат за ослободување на земјата. Тогаш се уверив дека тоа е вистинската работа и денеска стојам со народот на Косово со убедување“, рече Блер на заедничката конференција со претседатката на Косово, Вјоса Османи.
Блер додаде дека очекува Косово во иднина да стане дел од Европската Унија.
„Овде се случуваат многу позитивни работи, кои се добри за целиот свет. Едвај го чекам денот кога Косово ќе го заземе своето место во европското семејство“, изјави Блер.